قوعام • 28 شىلدە، 2020

ەلىمىزدە قۇرىلىس ماتەريالدارىن ءوندىرۋ كولەمى 3 ەسەگە ءوستى

21 رەت كورسەتىلدى

قازاقستاننىڭ يندۋستريالىق-يننوۆاتسيالىق دامۋ باعدارلاماسىنا سايكەس قۇرىلىس ماتەريالدارىن ءوندىرۋ ەكونوميكانىڭ باسىم باعىتتارىنىڭ ءبىرى. قۇرىلىس ماتەريالدارى ونەركاسىبى وڭدەۋ ونەركاسىبىنىڭ 6% قۇرايدى، دەپ حابارلايدى Egemen.kz

قازىر 1965 كاسىپورىندا 29 مىڭعا جۋىق ادام جۇمىس ىستەيدى. ايتا كەتۋ كەرەك، سوڭعى 10 جىلدا قۇرىلىس ماتەريالدارىن ءوندىرۋ كولەمى 176 ملرد تەڭگەدەن 586 ملرد تەڭگەگە دەيىن 3 ەسەگە ءوستى.

"نۇرلى جەر"، "نۇرلى جول" جانە "جۇمىسپەن قامتۋدىڭ جول كارتاسى" مەملەكەتتىك باعدارلامالارىن جۇزەگە اسىرۋ بارىسىندا قۇرىلىس ماتەريالدارىنا دەگەن سۇرانىس ايتارلىقتاي ارتتى. ماسەلەن، ەلىمىزدە جىل باسىنان وسى جىلدىڭ مامىرىنا دەيىن سيليكات پەن شلاك كىرپىشتەرىنىڭ ءوندىرىسى 428 مىڭ توننانى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 82 مىڭ تونناعا كوپ. كەراميكالىق كىرپىش ءوندىرىسى دە ۇلعايدى. ەگەر 2019 جىلدىڭ العاشقى بەس ايىندا 1 293،8 مىڭ تەكشە مەتر وندىرىلسە، بيىل قاڭتار-مامىر ارالىعىندا 1 371،1 مىڭ تەكشە مەتر شىعارىلعان.

2019 جىلدىڭ ناۋرىز ايىندا قۇرىلىس ماتەريالدارى سالاسىن 2021 جىلعا دەيىن دامىتۋدىڭ جول كارتاسى قابىلداندى. وسى باعدارلامانىڭ ءىس-شارالارىن جۇزەگە اسىرۋ اياسىندا تسەمەنت ونىمدەرى مەملەكەتتىك ساتىپ الۋدىڭ مەملەكەتتىك رەجيمىنەن الىنىپ تاستالدى جانە شارتتى تۇردە وندىرىلەتىن ءونىم تىزىمىنەن شىعارىلدى. سونىمەن قاتار، تسەمەنتتى ءۇشىنشى ەلدەردەن اكەلۋگە 6 ايعا تىيىم سالىندى.

قۇرىلىستاعى قازاقستاندىق قامتۋ ۇلەسىن ارتتىرۋ ءۇشىن قاجەتتى نورماتيۆتىك-قۇقىقتىق بازا جاسالدى، ونىڭ تالابى - بيۋدجەت قاراجاتى ەسەبىنەن قارجىلاندىرىلاتىن جوبالار بويىنشا قازاقستاندىق قۇرىلىس ونىمدەرىن مىندەتتى تۇردە پايدالانۋ.

بۇل نۇسقامانى ەسكەرە وتىرىپ، قولدانىلاتىن قۇرىلىس ماتەريالدارىنىڭ نومەنكلاتۋراسىن كورسەتەتىن، تاۋاردىڭ كودىن، سونداي-اق شىعۋ تەگى تۋرالى سەرتيفيكاتتارىن، ەسەپتىك پاراعىن جانە ناقتى اتقارىلعان جۇمىس اكتىلەرى جەرگىلىكتى مازمۇندى باقىلاۋعا ارنالعان ماتەريالداردىڭ شىققان ەلىن قاراستىرادى.

بۇل وتاندىق ماتەريالداردى جوبالىق-سمەتالىق قۇجاتتامادا كەلتىرىلگەن يمپورتتالاتىن ماتەريالدارمەن نەگىزسىز اۋىستىرۋدى ازايتادى، سونىمەن قاتار جۇمىستىڭ تيىمدىلىگى مەن تەحنيكالىق ينسپەكتورلار مەن تاپسىرىس بەرۋشىلەردىڭ قۇرىلىس جوبالارىندا جەرگىلىكتى قامتۋدى ساقتاۋ جاۋاپكەرشىلىگىن ارتتىرادى. ساراپتامادان وتكەن بارلىق جوبالاردىڭ قىسقاشا قورىتىندى پاراقتارى ورنالاستىرىلعان پورتال جاسالدى.

سونداي-اق، مەملەكەتتىك ساتىپ الۋدى جۇزەگە اسىرۋ ەرەجەلەرىنە قۇرىلىس سالاسىنداعى مەملەكەتتىك ساتىپ الۋدىڭ تيپتىك شارتىنا وزگەرىستەر ەنگىزىلدى، بۇل وتاندىق تاۋار وندىرۋشىلەردىڭ تىزىلىمىنە سايكەس ماتەريالداردى ساتىپ الۋدى تالاپ ەتەدى.

سونىمەن قاتار، 2020 جىلدىڭ اياعىنا دەيىن ەكونوميكالىق ءوسۋدى قالپىنا كەلتىرۋدىڭ كەشەندى جوسپارىن ىسكە اسىرۋ اياسىندا وتاندىق تاۋار وندىرۋشىلەردىڭ تالاپتارىن ساقتاماعانى ءۇشىن جاۋاپكەرشىلىكتى كۇشەيتۋ ماقساتىندا تۇزەتۋلەر ازىرلەنىپ اكىمشىلىك كودەكسكە وزگەرىستەر ەنگىزۋ تۋرالى زاڭ جوباسىنىڭ تۇجىرىمداماسىنا ەنگىزۋ ءۇشىن ادىلەت مينيسترلىگىنە ۇسىنىلدى.

سونىمەن قاتار، قازىرگى جاعدايدا قۇرىلىس يندۋسترياسىن قاجەتتى ونىمدەرمەن قامتاماسىز ەتۋ ماقساتىندا يمپورتتى الماستىراتىن جوبالاردى جۇزەگە اسىرۋ جولدارى قاراستىرىلۋدا. سونىمەن قاتار، «قۇرىلىس ماتەريالدارى نارىعى» ونلاين-پلاتفورماسىن قۇرۋ قاراستىرىلۋدا، بۇل ماتەريالدار قۇنىن 15% تومەندەتەدى جانە قۇرىلىس ماتەريالدارى نارىعىنىڭ اشىقتىعىن قامتاماسىز ەتەدى.

سوڭعى جاڭالىقتار

ۇقساس جاڭالىقتار