"ينفەكتسيالىق جانە پروۆيزورلىق ستاتسيونارلاردا دەر كەزىندە قوسىمشا 3 050 توسەك ورنى ۇيىمداستىرىلىپ, ورىن سانى 3 860 - قا جەتكىزىلدى. ونىڭ ىشىندە 650 ينفەكتسيالىق, 3 210 پروۆيزورلىق توسەك ورىن. ونىڭ ىشىندە رەانيماتسيالىق توسەك ورنىنىڭ سانى 30 ورىننان 151 ورىنعا دەيىن ۇلعايتىلدى. قوسىمشا 58 يۆل, 250 "بوبروۆ" تىنىس الۋ اپپاراتتارى جانە 26 رەانيماتسيالىق مونيتورلار الىندى", دەدى مۇرات ايتەنوۆ.
قازىرگى تاڭدا, رەانيماتسيالىق ورىننىڭ 88,7 پايىزى 138 يۆل اپپاراتتارىمەن قامتىلعان.
"كيسلورودپەن قامتىلعان ورىن سانى 861-گە نەمەسە جالپى ورىننىڭ 22,3 پايىزىنا جەتكىزىلدى. 2 اۋرۋحانادا كيسلورود ستانتسياسىن ىسكە قوسىلدى. 197 ءموبيلدى بريگادا قۇرىلىپ, 15 693 ناۋقاسقا ۇيگە ارنالعان ستاتسيونارلىق قىزمەت كورسەتىلدى. سونىمەن بىرگە, 45 074 ازاماتقا ءموبيلدى بريگادا قىزمەتتەرى ارقىلى ۇيلەرىنە ءدارى-دارمەك جەتكىزىلدى. اتقارىلعان جۇمىستار قالادا ەپيدەميولوگيالىق جاعدايدىڭ جاقسارۋىنا ءوز اسەرىن تيگىزدى", دەدى قالا اكىمى.
ونىڭ ايتۋىنشا, شىمكەنتتە جەدەل جاردەم كومەگىن شاقىرتۋلار سانى كۇنىنە 2 320-دان 1321 دەيىن, ياعني 43 پايىزعا ازايدى. ستاتسيونارلاردا ەم الۋشىلاردىڭ سانى 2 882 ادامنان 1240 ادامعا دەيىن, ياعني 56,9% تومەندەدى. ساتسيونارلارداعى توسەك ورىننىڭ جۇكتەمەسى 33% دەيىن كەمىدى.
