قازاقستان • 28 شىلدە، 2020

پاندەميا ازىق-ت ۇلىك قاۋىپسىزدىگى ماسەلەسىنىڭ ماڭىزدىلىعىن كورسەتتى - مينيستر

28 رەت كورسەتىلدى

اۋىل شارۋاشىلىعى ءمينيسترى ساپارحان وماروۆ "يسلام ىنتىماقتاستىق ۇيىمىنا مۇشە ەلدەردىڭ جەكە سەكتورلارى اراسىنداعى ازىق-ت ۇلىك جەتكىزۋ تىزبەگىن دامىتۋداعى ازىق-ت ۇلىك قاۋىپسىزدىگى جونىندەگى يسلام ۇيىمىنىڭ ءرولى" اتتى ۆەب-كونفەرەنتسياعا قاتىستى، دەپ حابارلادى اۋىل شارۋاشىلىعى مينيسترلىگىنىڭ ءباسپاسوز قىزمەتى.

ءىس-شاراعا يىۇ-نا مۇشە ەلدەردىڭ وكىلدەرى، سونداي-اق يسلام ساۋدا، ونەركاسىپ جانە اۋىلشارۋاشىلىق پالاتاسىنىڭ (ICCIA) باس حاتشىسى يۋسەف حالاۆي جانە ازىق-ت ۇلىك قاۋىپسىزدىگى جونىندەگى يسلام ۇيىمىنىڭ (IOFS) باس ديرەكتورى ەرلان بايداۋلەت قاتىستى.

ايتا كەتۋ كەرەك، يۋسەف حالاۆي مىرزا - ءىرى حالىقارالىق ينۆەستيتسيالار جونىندەگى مامان، بىرقاتار حالىقارالىق كومپانيالاردىڭ ديرەكتورلار كەڭەسىنىڭ مۇشەسى. ازىق-ت ۇلىك قاۋىپسىزدىگى جونىندەگى يسلام ۇيىمى حاتشىلىعىنىڭ شاقىرۋىمەن 2020 جىلى شىلدەدە اقيۇ مەن ICCIA اراسىنداعى ىنتىماقتاستىقتى نىعايتۋ جانە ورتالىق ازياداعى حالال ستاندارتىن دامىتۋ ماقساتىندا قازاقستانعا ساپارمەن كەلۋ كەرەك بولاتىن. الايدا، پاندەمياعا بايلانىستى بۇل ساپار كەيىنگە شەگەرىلدى.

ونلاين-كونفەرەنتسيا بارىسىندا ينۆەستيتسيالار مەن يسلامدىق قارجىلاندىرۋ، ساۋدا-ساتتىق توڭىرەگىندەگى، اقپاراتتىق تەحنولوگيالار، ساقتاندىرۋ سالاسىنداعى ىنتىماقتاستىقتى نىعايتۋ، يىۇ-عا مۇشە ەلدەردىڭ جەكە سەكتورىندا بايلانىس ورناتۋ تۋرالى اقپارات پەن پىكىرلەر ورتاعا سالىندى.

ساپارحان وماروۆ ازىق-ت ۇلىك قاۋىپسىزدىگى ماسەلەلەرىندە حالىقارالىق ۇيىمدار ءرولىنىڭ ماڭىزدىلىعىنا توقتالدى.

"يسلام كونفەرەنتسياسى ۇيىمىنا مۇشە ەلدەردىڭ اۋىل شارۋاشىلىعى مينيسترلەرى ازىق-ت ۇلىك ونىمدەرىن قايتا وڭدەۋدىڭ يسلام قاۋىمداستىعىن (IFPA) قۇرۋعا شەشىم قابىلدادى. بۇل ءبىزدىڭ ساپا ستاندارتتارى سالاسىنداعى ىنتىماقتاستىعىمىزدى جانە ازىق-ت ۇلىك ونىمدەرىن ءوندىرۋ مەن ساتۋدى ۇلعايتۋ ءۇشىن بەرىك نەگىز بولادى دەپ سەنەمىن. قاۋىمداستىقتىڭ  ماقساتى - ساۋدانى كەڭەيتۋ، يسلامدىق قارجىلاندىرۋدى تارتۋ، اقپارات الماسۋ، بايلانىس ورناتۋ، ۇيىمعا مۇشە ەلدەر اراسىندا ەكسپورت پەن يمپورتتى ارتتىرۋ"، - دەدى اۋىل شارۋاشىلىعى ءمينيسترى.

ساپارحان وماروۆ كوروناۆيرۋس پاندەمياسى ازىق-ت ۇلىك قاۋىپسىزدىگى ماسەلەلەرى، سونداي-اق حالىقتى ۋاقتىلى جانە تۇراقتى ازىق-ت ۇلىكپەن قامتاماسىز ەتۋدىڭ ماڭىزدىلىعىن ايقىنداپ بەرگەنىن اتاپ ءوتتى.

سوڭعى جاڭالىقتار

ۇقساس جاڭالىقتار