قوعام • 27 شىلدە، 2020

حقو جەڭىلدىك تەرەزەسى 100 مىڭنان استام قازاقستاندىققا قىزمەت كورسەتتى

33 رەت كورسەتىلدى

كارانتين شەكتەۋلەرى اياسىندا جۇمىسىن قايتا باستاعان حقو-لارداعى جەڭىلدىك تەرەزەسى ارقىلى 101،8 مىڭ قازاقستاندىققا قىزمەت كورسەتىلدى، دەپ حابارلايدى Egemen.kz

ايىم ءداۋىت

مامىر ايىنىڭ ورتاسىنان باستاپ ۆيرۋستىڭ تارالۋ قاۋپى مەن قازاقستاندىقتاردىڭ ءومىرى مەن دەنساۋلىعىنا الاڭداۋشىلىققا بايلانىستى ەلىمىزدەگى حقو-لاردىڭ جۇمىس ءتارتىبى وزگەرگەن بولاتىن. ەندى حقو-دا ونلاين تۇردە قولجەتىمسىز "قاعاز" جۇزىندەگى قىزمەتتەر عانا ۇسىنىلادى. الايدا ازاماتتاردىڭ ءۇش ساناتى، اتاپ ايتقاندا، زەينەتكەرلەر، كوپ بالالى وتباسىلار مەن مۇگەدەكتەر بۇرىنعىداي حقو-دا ەلەكتروندى قىزمەتتەردى الا الادى. ءار فرونت-وفيستە ولار ءۇشىن جەڭىلدىك تەرەزەلەرى ۇيىمداستىرىلعان. ولار "قاعاز" قىزمەتتەردى دە، ءتۇرلى انىقتامالار مەن مەملەكەتتىك قىزمەتتەردى دە سوندا الا الادى. جەڭىلدىك تەرەزەسىنە مىندەتتى تۇردە ونلاين تۇردە كەزەك ۋاقىتىن الدىن الا برونداۋ قاجەت.

جەڭىلدىك تەرەزەلەرى ارقىلى قىزمەتتەردىڭ كوپ بولىگى مەگاپوليستەردەگى حقو، اتاپ ايتقاندا، نۇر-سۇلتان (9941)، الماتى (9719) جانە شىمكەنت (7753) قالالارىندا ۇسىنىلدى. ءتىزىمنىڭ ەڭ سوڭىندا ماڭعىستاۋ وبلىسى، وندا 1862 ازامات جەڭىلدىك تەرەزەسىنىڭ قىزمەتىنە جۇگىنگەن.

ازاماتتارعا ارنالعان ۇكىمەتتىڭ باسقارما ءتورايىمى اسەمگۇل بالتاشەۆانىڭ ايتۋىنشا، جەڭىلدىك تەرەزەلەرى اتالعان ساناتتارداعى ازاماتتارعا قىزمەتتەردى جىلدام ءارى ساپالى الۋعا كومەكتەسەدى. ء"بىز وسى ءۇش ساناتقا كىرەتىن قازاقستاندىقتار ءۇشىن ەلەكتروندى قىزمەتتەردى وزدىگىنەن الۋ وڭاي ەمەس ەكەنىن تۇسىنەمىز، سوندىقتان ولار ءۇشىن ەلەكتروندى قىزمەتتەردى دە حقو-دان الۋ مۇمكىندىگىن جاسادىق"، دەدى ول.

ايتا كەتەيىك، توتەنشە جاعداي رەجيمى توقتاتىلىپ، حالىققا قىزمەت كورسەتۋ ورتالىقتارى جاڭا فورماتتا جۇمىس ىستەي باستاعاننان بەرى قازاقستاندىقتارعا 2 ميلليوننان استام مەملەكەتتىك قىزمەت كورسەتىلگەن.

ازاماتتار egov.kz پورتالى، تەلەگرامداعى egovkzbot2.0 نەمەسە 1414 بايلانىس ورتالىعى ارقىلى كەزەك ۋاقىتىن الدىن الا برونداۋى ءتيىس. بۇگىندە برونداۋ سەرۆيسىنىڭ قىزمەتى جەتىلدىرىلگەن، ەندى ازاماتتار برونداۋ بارىسىندا بوس ۋاقىت ارالىعىن كورە الادى جانە ۋاقىتىن قايتا راسىمدەي الادى.

بۇگىنگى تاڭدا eGov.kz پورتالىندا بارلىق مەملەكەتتىك قىزمەتتەردىڭ 80% -دان استامى قولجەتىمدى. كومپيۋتەرى جوق ازاماتتار اكىمدىكتەردە، جۇمىسپەن قامتۋ ورتالىقتارىندا، ءبىلىم بەرۋ، مەديتسينا ۇيىمدارىندا جانە تاعى باسقا جەرلەردە ۇيىمداستىرىلعان eGov بۇرىشتارىنىڭ قىزمەتىن پايدالانا الادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز