ۇكىمەت • 27 شىلدە، 2020

الماتىداعى ەمدەۋ ورىندارى ءۇش باعىت بويىنشا جۇمىس ىستەۋگە كوشتى

33 رەت كورسەتىلدى

الماتى قالاسىندا جەدەل مەديتسينالىق جاردەم مەن ەمحانالاردىڭ، ستاتسيونارلاردىڭ جۇمىسىنان باستاپ بارلىق باعىتتار بويىنشا تاسىلدەر وزگەرتىلدى. قالاداعى ستاتسيونارلار پاتسيەنتتەردىڭ جاعدايىنىڭ اۋىرلىعىنا قاراي بولىنگەن. بۇل تۋرالى Primeمinister.kz-كە بەرگەن سۇحباتىندا الماتى قالاسىنىڭ قوعامدىق دەنساۋلىق باسقارماسىنىڭ باسشىسى كامالجان نادىروۆ ايتىپ بەردى، دەپ حابارلايدى Egemen.kz

قالادا جەدەل مەديتسينالىق جاردەمنەن، ەمحانالار مەن ستاتسيونارلاردىڭ جۇمىسىنان باستاپ مەديتسينالىق كومەكتى ۇيىمداستىرۋ بويىنشا جۇيەلى جۇمىس قۇرىلعان. ەگەر بۇعان دەيىن كلينيكالار پروۆيزورلىق جانە ينفەكتسيالىق ستاتسيونارلارعا بولىنگەن بولسا، بۇگىندە ولار پاتسيەنتتەردىڭ جاعدايىنىڭ اۋىرلىق دارەجەسىنە قاراي بولىنەدى.

ء"بىز ولاردى ءۇش ساناتقا بولدىك. ءبىرىنشى ساناتتاعى كلينيكالارى — ەڭ جاقسى ماتەريالدىق-تەحنيكالىق بازاسى بار كلينيكالار، وندا اسا دامىعان رەانيماتسيا قىزمەتى، قاجەتتى ماماندار جيىنتىعى بار. ەكىنشى ساناتتاعى كلينيكالاردا ماماندار دا بار، بىراق رەانيماتسيالىق توسەك-ورىن سانى از. ءۇشىنشى ساناتتاعى كلينيكالارعا ءبىز اۋرۋىنىڭ اۋىرلىق دارەجەسى سالىستىرمالى تۇردە جەڭىل جانە ورتاشا پاتسيەنتتەردى جاتقىزامىز. مۇنداي اعىندار بويىنشا ءبولۋ بىزگە پاتسيەنتتەردىڭ مارشرۋتىن جۇيەلى تۇردە قۇرۋعا مۇمكىندىك بەردى"، دەدى ك. نادىروۆ.

ونىڭ ايتۋىنشا، بۇگىندە قالادا توسەك-ورىن سانى مەن ساۋىعىپ شىققان پاتسيەنتتەر سانىنىڭ ارتقانى بايقالادى. 

"ەگەر بۇرىن بىزدە توسەك-ورىنداردىڭ بوس بولماۋى اۋرۋلار ەڭ كوبەيگەن ساتتە 90%-عا جەتكەن بولسا، قازىر بۇل كورسەتكىش 50%-دان از. ءاربىر ەكىنشى توسەك-ورىن بۇگىندە بوس، بىراق وسىعان قاراماستان، ءبىز توسەك-ورىن قورىن ۇلعايتۋدى جالعاستىرىپ جاتىرمىز"، دەدى الماتى قالاسىنىڭ قوعامدىق دەنساۋلىق باسقارماسىنىڭ باسشىسى. 

سونداي-اق بمسك دەڭگەيىندە مەديتسينالىق كومەك كورسەتۋ تاسىلدەرى وزگەردى، تەك كۆي-مەن اۋىرعان پاتسيەنتتەرمەن عانا جۇمىس ىستەيتىن ارنايى ءموبيلدى بريگادالار قۇرىلدى.

"بۇگىنگى تاڭدا 72 ءموبيلدى بريگادا بار، دارىگەرلەر مەن ورتاشا مەديتسينالىق قىزمەتكەرلەر سانى 400 ادامعا جەتتى. بۇرىن 200 ادام بولعان. ءموبيلدى بريگادالاردىڭ مىندەتى — پاتسيەنتتەردى بمسك دەڭگەيىندە بارىنشا ۇستاۋ، ياعني اسقىنۋلاردىڭ دامۋىنا جانە كەلەسى دەڭگەيگە — ستاتسيونارلىق دەڭگەيدە جەتكىزبەۋ"، دەدى ول.

سونىمەن قاتار، قالادا جەدەل جاردەم جۇمىسىنىڭ تاسىلدەرى وزگەردى. بۇگىنگى كۇنى جەدەل جاردەم پاتسيەنتتەرگە كەلگەندە، ولاردىڭ ازىرلەنگەن چەك-پاراعى بولادى، سول بويىنشا پاتسيەنتتىڭ اعىمداعى جاعدايىن وبەكتيۆتى باعالاۋعا بولادى. اۋرۋدىڭ اۋىرلىق دارەجەسىنە بايلانىستى جەدەل جاردەم ناۋقاستى قانداي اۋرۋحاناعا جاتقىزۋ تۋرالى شەشىم قابىلدايدى. 

ايتا كەتۋ كەرەك، COVID-19-پەن كۇرەسكە تارتىلعان مەديتسينالىق ۇيىمداردىڭ سانى ارتىپ كەلەدى. بۇگىنگى كۇنى قالادا شامامەن 6 مىڭ توسەك-ورىن بار، وندا 4 440 مەديتسينالىق قىزمەتكەر جۇمىس ىستەيدى.

ء"بىز سونىمەن قاتار مەديتسينا كادرلارىن جۇمىلدىرۋ ماسەلەسىن قاراستىرۋدامىز، ويتكەنى ءبىزدىڭ الدىمىزدا توسەك-ورىن سانىن كەم دەگەندە 7 700-گە دەيىن جەتكىزۋ مىندەتى تۇر. بۇگىندە ءبىز 1 500-گە جۋىق دارىگەردى قابىلدادىق. ولارمەن ۇلكەن دايىندىق جۇمىستارى جۇرگىزىلۋدە. ولار ينفەكتسيالىق قاۋىپسىزدىك، پاتسيەنتتەردى ەمدەۋدى جۇرگىزۋ جانە ت. ب. ماسەلەلەر بويىنشا وقىتىلىپ جاتىر. بۇل تۇرعىدا بىزدە وسىنداي مامانداردى دايىندايتىن ارنايى وقۋ-كلينيكالىق ورتالىق قۇرىلدى"، دەدى ول.

سونىمەن قاتار، قالا باسشىلىعى توسەك-ورىن سانىن ارتتىرۋ ءۇشىن بارلىق نۇسقالاردى پىسىقتاۋدا. قالاداعى "Halyk Arena" مۇزايدىن سارايىنىڭ بازاسىندا گوسپيتال اشىلدى، وندا 1000 توسەك-ورىن ورنالاسقان. سونداي-اق، سول جەرگە مەديتسينالىق گازدار، وتتەگى جەتكىزىپ، تولىققاندى رەانيماتسيالىق ءبولىم اشۋ جوسپاردا بار.

"مەديتسينالىق مەكەمەلەردەن باسقا، ءبىز باسقا دا نىسانداردى زەردەلەدىك، اتاپ ايتقاندا، باستاپقىدا پسيحونەۆرولوگيالىق اۋرۋلاردى ەمدەۋ ورتالىعى رەتىندە سالىنىپ جاتقان الەۋمەتتىك نىسانداردىڭ بىرىنە توقتالدىق. ءبىز بارلىق ينفراقۇرىلىمدى زەرتتەپ، ونى مەديتسينالىق نىسان رەتىندە قايتا بەيىندەۋ ءۇشىن وتە قولايلى ەكەنىن تۇسىندىك. بۇگىندە ءتيىستى جۇمىستار جۇرگىزىلۋدە. بۇل 500 توسەك-ورىندىق تولىققاندى ستاتسيونار بولادى، ونى قىركۇيەك ايىندا پايدالانۋعا بەرۋدى جوسپارلاپ وتىرمىز. وندا ينفەكتسيالىق قاۋىپسىزدىكتىڭ بارلىق تالاپتارى ساقتالاتىن بولادى"، دەپ تۇيىندەدى ك.نادىروۆ.  

سوڭعى جاڭالىقتار

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

سپورتتى سەرىك ەتكەن

سپورت • بۇگىن، 09:02

سورەسىندە – سان كىتاپ

ادەبيەت • بۇگىن، 09:00

جۇلدىزدى ساتتەر جىلناماسى

ەلباسى • بۇگىن، 08:55

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

ۇقساس جاڭالىقتار