مەديتسينا • 27 شىلدە، 2020

كوروناۆيرۋس جۇقتىرعان اۋىر حالدەگى ناۋقاستى ەمدەۋگە قانشا قاراجات جۇمسالادى؟

35 رەت كورسەتىلدى

مەديتسينالىق ساقتاندىرۋ قورى كوروناۆيرۋس جانە پنەۆمونياعا شالدىققان جاعدايى اۋىر ناۋقاستاردى ەمدەۋ ءتاريفىن 1،5 ميلليون تەڭگەگە دەيىن كوتەردى. بۇل تۋرالى الەۋمەتتىك مەديتسينالىق ساقتاندىرۋ قورىنىڭ باسقارما توراعاسى بولات توكەجانوۆ ايتتى، دەپ جازادى Egemen.kz.

الەۋمەتتىك مەديتسينالىق ساقتاندىرۋ قورى كوروناۆيرۋس ينفەكتسياسىن دياگنوستيكالاۋ، ەمدەۋ جانە اسقىنۋمەن بايلانىستى بارلىق شىعىندى وتەۋ ءۇشىن پاتسيەنتتىڭ جاعدايىنىڭ اۋىرلىعىن ەسكەرە وتىرىپ، مەديتسينالىق ۇيىمدارعا تاريفتەر ازىرلەدى.

"وسىلايشا، كوروناۆيرۋستىڭ جەڭىل تۇرىنە  شالدىققان ءبىر پاتسيەنتتىڭ ەمى 292،6 مىڭ تەڭگە، جاعدايى ورتاشا پاتسيەنتتىڭ ەمىنە  – 446،1 مىڭ تەڭگە، جاعدايى اۋىر ناۋقاستىڭ ەمى – 1،5 ملن تەڭگە بولادى. قور جاعدايى وتە اۋىر ءبىر ناۋقاسقا 1،7 ملن تەڭگە تولەيدى. جەدەل جاردەم كورسەتۋ ءتاريفىنىڭ قۇرىلىمىندا جقق شىعىستارى ورتا ەسەپپەن 40% ء وستى"، - دەدى ول.

پاتسيەنتتەر ءۇشىن ستاتسيونارلىق جانە امبۋلاتوريالىق دەڭگەيدە ەمدەۋ مەن دياگنوستيكا كۆي جانە پنەۆمونياعا شالدىققان  پاتسيەنتتەرگە تەگىن كورسەتىلەدى.

مەديتسينالىق ساقتاندىرۋ قورى  جوسپارلانعان قارجى كولەمىنەن موبيلدىك بريگادالاردىڭ جۇمىسىنا شامامەن 7،7 ملرد تەڭگە جۇمسايدى، جىل سوڭىنا دەيىن 1،4 ملن ۇيگە كومەك كورسەتىلەدى  دەپ جوسپارلپانۋدا. قازىردىڭ وزىندە وڭىرلەردە ەمحانالار مەن وتباسىلىق امبۋلاتوريالار جانىنان 3 مىڭنان استام وسىنداي بريگادا قۇرىلعان.

"سونىمەن قاتار كوپتەگەن قازاقستاندىق اۋرۋ ورشىگەن تۇستا كوروناۆيرۋس پەن پنەۆمونيانى دياگنوستيكالاۋعا، ەمگە جانە ءدارى – دارمەككە قالتالارىنان كوپ شىعىن شىعارعانىن ەسكەرىپ، قور ينفەكتسيا جۇقتىرعاندارعا وڭالتۋ قىزمەتىن قارجىلاندىرۋ تۋرالى شەشىم قابىلدادى"، - دەدى بولات توكەجانوۆ.

بۇگىندە  وڭالتۋ قىزمەتىنە دەگەن سۇرانىس وتە جوعارى. سوندىقتار ول قازاقستاندىقتارعا قور تاراپىنان قاجەتتى كومەكتىڭ بارلىعى كورسەتلەتىنىن ايتتى.

"1406 بايلانىس ورتالىعىنا كوپتەگەن سۇراق كەلەدى، سوندىقتان دەنساۋلىق ساقتاۋ مينيسترلىگىمەن بىرگە قور اۋىرىپ شىققان پاتسيەنتتەردى جۇرگىزۋ الگوريتمىن ازىرلەۋدە. ءبىز ەمحانادان باستاپ وڭالتۋ ورتالىقتارى مەن ساناتوريالىق-كۋرورتتىق ۇيىمدارعا دەيىنگى بارلىق دەڭگەيدە كومەكتىڭ بارلىق ءتۇرىن قاراستىرامىز"، - دەدى امسق باسقارما توراعاسى. 

سوڭعى جاڭالىقتار

ۇقساس جاڭالىقتار