مەديتسينا • 27 شىلدە، 2020

ءمامس 1 ملرد تەڭگەدەن استام شىعىنداردى قىسقارتپاق

35 رەت كورسەتىلدى

بۇل تۋرالى قور باسشىسى بولات توكەجانوۆ "مامس جۇيەسىنىڭ كوروناۆيرۋس ينفەكتسياسىمەن كۇرەسۋدەگى ۇلەسى" تاقىرىبىندا وتكەن ونلاين بريفينگ كەزىندە ايتتى، - دەپ حابارلايدى Egemen.kz.

الەۋمەتتىك مەديتسينالىق ساقتاندىرۋ قورىندا اۋقىمدى وزگەرىستەر باستالادى. ولار ىشكى ۇدەرىستەردى وزگەرتۋگە، شتاتتىڭ قۇرىلىمىن قايتا قاراۋعا، شىعىنداردىڭ ءبىر بولىگىن وڭتايلاندىرۋعا، اكىمشىلىك شىعىستاردى ازايتۋعا قاتىستى بولماق. الدىمەن اسا قاجەت ەمەس شىعىنداردان باس تارتۋ جوسپارلانۋدا، سونىڭ ىشىندە پيار شىعىندارىن قوسا العاندا، 1 ملرد تەڭگەدەن استام تەڭگە ۇنەمدەلەدى، دەپ حابارلادى قور باسشىلىعى.

امسق باسقارما توراعاسى بولات توكەجانوۆتىڭ ايتۋىنشا، قايتالاناتىن فۋنكتسيالاردى الىپ تاستاۋ ەسەبىنەن قوردىڭ شتات سانى قىسقارادى. قازىر بۇل شارا ورتالىق اپپارات دەڭگەيىندە قاراستىرىلۋدا، كەيىنىرەك بۇل جۇمىس فيليالداردا دا جۇرگىزىلەتىن بولادى. بۇدان باسقا، فيليالداردىڭ قىزمەتى، وكىلەتتىكتەرى مەن جاۋاپكەرشىلىگى ايتارلىقتاي وزگەرەدى. بۇل پروبلەمالاردى بارىنشا ەگجەي-تەگجەيلى جانە اۋماقتىق ەرەكشەلىكتەردى ەسكەرە وتىرىپ شەشۋگە مۇمكىندىك بەرەدى. تاريف قۇرۋ، بيۋدجەتتى ساتىپ الۋ جانە جوسپارلاۋ، مەديتسينالىق كومەك ساپاسىن باقىلاۋ جانە "اقشا پاتسيەنتتىڭ سوڭىنان ەرىپ جۇرەدى" دەگەن باستى قاعيداتتى ساقتاۋ تۋرالى بولىپ وتىر.

"دەنساۋلىق ساقتاۋ جۇيەسىندە بىرنەشە جىل جۇمىس ىستەدىم، باس دارىگەرلەرمەن تىكەلەي بايلانىستا بولدىم، سوندىقتان مەن ستاتسيونار مەن ەمحانالارداعى بارلىق قيىندىقتى ىشتەن جاقسى بىلەمىن جانە دەنساۋلىق ساقتاۋ مينيسترلىگىمەن، ايماقتىق ورگاندارمەن بىرلەسە وتىرىپ، ولاردى تەز ارادا شەشۋ جولدارىن تابۋعا نيەتتىمىن"، – دەدى امسق باسقارما توراعاسى بولات توكەجانوۆ.

سوڭعى جاڭالىقتار

ۇقساس جاڭالىقتار