جاي-كۇيىڭ قالاي, ۇيىم توراعاسى؟

ورال قالاسىندا “نۇر وتان” حدپ بقو فيليالى باستاۋىش پارتيا ۇيىمدارى توراعالارىنىڭ فورۋمى بولىپ ءوتتى. “نۇر وتان” حدپ سايلاۋالدى تۇعىرناماسىن جۇزەگە اسىرۋ, پارتيا قۇرىلىمىندا “نۇر وتان” حدپ باستاۋىش پارتيا ۇيىمدارىنىڭ ءرولىن كۇشەيتۋ, ىشكى پارتيا جۇيەسى قارىم-قاتىناسىنىڭ تيىمدىلىگىن ارتتىرۋعا ارنالعان باسقوسۋعا وبلىس اكىمىنىڭ مىندەتىن اتقارۋشى نۇرلان نوعاەۆ, “نۇر وتان” حدپ ورتالىق اپپاراتى باس­شى­سىنىڭ ورىنباسارى, قۇقىقتىق باسقارما باستىعى دانيار ۆاگاپوۆ, وبلىستىق ءماسليحات حاتشىسى ءما­لىك قۇلشار قاتىستى. كەڭەستى “نۇر وتان” حدپ بقو فيليالى ءتور­اعاسىنىڭ ءبىرىنشى ورىنباسارى كەنجەباي نىعمەت جۇرگىزىپ وتىردى. الدىمەن ءسوز العان نۇرلان نوعاەۆ “نۇر وتان” حدپ-نىڭ ەلى­مىزدىڭ قوعامدىق-ساياسي ومىرىندە زور بەدەلگە يە ەكەنىنە توقتالا كەلە, ەل­باسى ساياساتىن جەرگىلىكتى جەر­لەردە جۇزەگە اسىرۋدا باستاۋىش پار­تيا ۇيىمدارىنىڭ قوسىپ وتىر­عان ۇلەسى زور ەكەنىن ايتىپ ءوتتى. دانيار ۆاگاپوۆ ءوز سوزىندە وسىنداي جيىنداردىڭ ەلىمىز بويىنشا ءوتىپ جاتقانىن ايتىپ, ەڭ باستى ءۇش ماسەلەگە كوڭىل اۋداردى. ولار: ەلباسى ساياساتىن كەڭىنەن تاراتۋ بارىسىندا بيلىك پەن حالىق اراسىندا تىعىز بايلانىس ورناتۋ;  ۇسىنىستىڭ باستاۋىش پارتيا ۇيىمى تاراپىنان ءتۇسۋى, ونى جوعارىعا جەتكىزۋدە بەلسەندىلىك تانىتۋ; پارتيا جۇمىسىن ناقتى ىستەرگە ارناۋ. ودان كەيىن جينالعاندار الدىن­دا “نۇر وتان” حدپ وبلىستىق فيليالى توراعاسىنىڭ ورىنباسارى ابات شىنىبەكوۆ بايانداما جاسا­دى. بۇگىنگى تاڭدا 13 ايماقتىق في­ليالدا قۇرامىندا 28017 مۇشەسى بار 323 باستاۋىش پارتيا ۇيىمى قۇرىلعان. بارلىق دەڭگەيدەگى ءماس­لي­حاتتاعى 200 دەپۋتاتتىڭ 193-ءى (96,5%) – “نۇر وتان” پارتياسى­نىڭ مۇشەسى. بارلىق ءماسليحات بوي­ىنشا پارتيانىڭ 14 دەپۋتاتتىق فراك­تسياسى قۇرىلىپ, جۇمىس جاساۋدا. جارىسسوزگە پارتيا ۇيىمدارى اتىنان مارات توياسوۆ (قازتالوۆ اۋدانى), انەس ىزتەلەۋوۆ (ورال), تەمىرجان سەرىكوۆ (جاڭاقالا), ەلەنا كيانسكايا (زەلەنوۆ), ارىس­تان­بەك تىلەۋقابىلوۆ ء(بورلى), جاق­سىلىق ابدولوۆ (جانىبەك) قاتىستى. فورۋم سوڭىندا ءتيىستى ۇسىنىم قابىلداندى. جيىن سوڭىندا وتكەن جىلى جەمىستى جۇمىس ىستەگەن ۇيىمدار ءۇشىن جاريالانعان كونكۋرستىڭ قورىتىندىسى شىعارىلدى. “ەڭ ۇزدىك باستاۋىش پارتيا ۇيىمى” اتتى كونكۋرس جەڭىمپازدارى بولىپ “ۆاسيلەتس” جشس, “اقسايگازسەر­ۆيس” اق, جاڭاقالا اۋدانى س.مەڭ­دەشەۆ پارتيا ۇيىمى اتالىپ, ديپ­لوم جانە باعالى سىيلىقپەن مارا­پاتتالدى. جيىن سوڭىندا دانيار ۆاگاپوۆ ۇزاق جىل جاڭاقالا اۋدانىندا اكىم بولىپ قىزمەت اتقارعان تولەگەن مەرعاليەۆكە جەمىستى ەڭبەگى ءۇشىن راحمەت ايتىپ, وڭىرىنە “بەلسەندى قىزمەتى ءۇشىن” كەۋدە بەلگىسىن تاقتى. تەمىر قۇسايىن. ورال.