زاڭ جوباسىن پارلامەنتكە "ادىلەت جانە دامۋ" پارتياسى ۇسىندى. جاڭا زاڭ قابىلدانسا, قىلمىستىق دەپ تانىلعان جازبالاردى 48 ساعات ىشىندە وشىرمەگەن جەلىگە 10 ميلليون ليرا, ياعني 600 ميلليون تەڭگەگە دەيىن ايىپپۇل سالىنۋى مۇمكىن.
بۇدان بولەك زاڭ تالاپتارىن ورىنداماعان سايتتاردىڭ جەلىدەگى جىلدامدىعى 90 پايىزعا دەيىن ازايتىلادى. ياعني ولاردىڭ تۇركيا اۋماعىندا اشىلۋى قيىندايدى. زاڭ جوباسى كەلەر اپتادا قابىلدانۋى مۇمكىن.
ال ەلدەگى وپپوزيتسيالىق پارتيالار مەن بىرقاتار ينتەرنەت قولدانۋشىلارى بۇل زاڭ جوباسى الەۋمەتتىك جەلىدەگى ءسوز بوستاندىعىنا شەكتەۋ قويادى دەپ دابىل قاعۋدا. ولاردىڭ پىكىرىنشە ينتەرنەت قولدانۋشىلارىنا قاتىستى قازىرگى زاڭدا دا شەكتەۋلەر كوپ. ماسەلەن تەك وتكەن جىلى ەلدە 60 مىڭنان اسا سايتتىڭ جۇمىسى توقتاتىلىپ, الەۋمەتتىك جەلىلەردەگى 10 مىڭعا جۋىق اككاۋنت جابىلعان.
