سونىمەن قاتار, 43 كوپپاتەرلى تۇرعىن ءۇيدىڭ اۋلالارى مەن بالالار ويىن الاڭشالارىنا قايتا جوندەۋ جۇمىستارى جۇرگىزىلىپ وتىر. بۇل جۇمىستارعا بيىلعى جىلى ءار اۋداننىڭ بيۋدجەتىنە بولىنگەن 1 ملرد تەڭگەدەن 800 ميلليوننان استام قارجى قارالعان. ونىڭ ىشىندە "جۇمىسپەن قامتۋ جول كارتاسى" باعدارلاماسى بويىنشا كوپقاباتتى تۇرعىن ءۇي اۋلاسىن اباتتاندىرۋعا رەسپۋبليكالىق بيۋدجەتتەن 75,8 ملن. تەڭگە بولىنگەن. نىساندار وسى جىلدىڭ تامىز, قىركۇيەك ايلارىندا پايدالانۋعا بەرىلەدى.
شىمكەنت اكىمى مۇرات ايتەنوۆ ەڭبەكشى اۋدانىنىڭ اۋلالارىن اباتتاندىرۋدىڭ بارىسىن تەكسەردى. جۇمىستىڭ ساپاسىنا باسا نازار اۋدارعان قالا باسشىسى ورىندىقتار مەن كىشى ارحيتەكتۋرالىق فورمالار سىندى ورناتىلاتىن ەلەمەنتتەردى ساپالى ماتەريالداردان پايدالانۋدى ايتتى.
اۋدان اكىمى عالىمجان يلياسوۆ اۋلانى اباتتاندىرۋ بويىنشا اتقارىلىپ جاتقان جۇمىستار جايىن بايانداپ, بيىلعى جىلى بۇدان بولەك, 6 اشىق سپورت الاڭشاسى مەن اۋلا ارالىق توزىعى جەتكەن 8 مەكەنجايداعى باسپالداقتاردى قايتا قۇرۋ جۇمىستارى جۇرگىزىلىپ جاتقانىن اتاپ ءوتتى. سونداي-اق, اۋدان اكىمى 2021 جىلى اۋدان اۋماعىنداعى 100-دەن اسا ءۇي اۋلارىن جوندەۋ جانە بالالار ويىن الاڭدارىن قايتا قۇرۋ جوسپارلانعانىن جەتكىزدى.
