قارجى باقىلاۋشىلار باسقوسۋى

تاياۋدا كۇنى ەلوردادا جوعارعى قارجى باقىلاۋ ورگاندارى حالىقارالىق ۇيىمىنىڭ (ينتوساي) ماڭىزدى ۇلتتىق كورسەتكىشتەر بويىنشا جۇمىس توبىنىڭ ءۇشىنشى وتىرىسى ءوتتى. اتالعان وتىرىستا جۇمىس توبى مۇشەلەرى جوبالاردى قاراپ, زەرتتەۋ ناتيجەلەرىن ۇسىندى. رەسەي ەسەپ پالاتاسى تمد شەڭبەرىندە ماڭىزدى ۇلتتىق كورسەتكىشتەر بويىنشا قوسالقى جوبانىڭ ىسكە اسىرىلۋى تۋرالى ءوز ەسەبىن حابارلادى. “بۇگىنگى تاڭدا قازاقستاننىڭ ەسەپ كوميتەتى حالىقارالىق دەڭگەيدە وزىندىك ورنى مەن قىزمەتى بار مەملەكەتتىك ورگان بولىپ سانالادى. سوندىقتان “قر ەسەپ كوميتەتى تۋرالى” زاڭدى قابىلداۋدىڭ ۋاقىتى كەلدى”, – دەدى ءوز سوزىندە رەسەي ەسەپ پالاتاسىنىڭ باسشىسى سەرگەي ستەپاشين. سونداي-اق, ول قازىرگى تاڭدا قازاقستاندا “ەسەپ كوميتەتى تۋرالى” زاڭ اياسىندا كوپتەگەن پىكىرتالاستار تۋىنداۋدا ەكەنىن جانە وسى رەتتە ءوزىنىڭ قازاقستاندىق ارىپتەسى ومارحان وكسىكباەۆتى قولدايتىندىعىن نازاردان تىس قالدىرمادى. ەلىمىزدىڭ ەسەپ كوميتەتى دە مۇشە بولىپ تابىلاتىن جۇمىس توبى 2007 جىلى مەحيكو قالاسىندا وتكەن ينتوساي ءحىح كونگرەسىنىڭ شەشىمىمەن قۇرىلعان. رەسەي فەدەراتسياسىنىڭ ەسەپ پالاتاسى جۇمىس توبىنىڭ توراعاسى بولىپ تابىلادى. جۇمىس توبىنىڭ ميسسياسى – ۇلتتىق جانە حالىقارالىق دەڭگەيدە ەكونوميكا, ەكولوگيا جانە الەۋمەتتىك سالالاردا ماڭىزدى ۇلتتىق كورسەتكىشتەردى ازىرلەپ قولدانۋعا جاردەمدەسۋ. ءابدىراحمان قىدىربەك.