الەۋمەتتىك مەديتسينالىق ساقتاندىرۋ قورى كوروناۆيرۋس پەن پنەۆمونياعا شالدىققان ناۋقاستاردى ەمدەۋ ءۇشىن ناۋرىز-ماۋسىم ارالىعىندا ەلىمىزدىڭ ستاتسيونارلارىنا 842 مىڭ توسەك-كۇنگە 8,6 ملرد تەڭگە تولەدى.
ايتا كەتۋ كەرەك, ناۋرىز ايىمەن سالىستىرعاندا ماۋسىمدا توسەك-كۇننىڭ جالپى سانى - 8 ەسەگە, جۇقپالى اۋرۋلارعا – 26 ەسەگە ارتتى. وسى كەزەڭدە كارانتين ستاتسيونارلارىنا 327 مىڭ توسەك-كۇن, جۇقپالى اۋرۋلار ءۇشىن 270 مىڭ توسەك-كۇنگە قارجى تولەندى. ماۋسىم ايىندا ناۋرىز ايىمەن سالىستىرعاندا پروۆيزيالىق ستاتسيونارلاردا توسەك-كۇن سانى ايتارلىقتاي ءوستى: ناۋرىز ايىندا 21 مىڭنان ماۋسىم ايىندا 100 مىڭ توسەك-كۇنگە دەيىن. توسەك-كۇنگە پاتسيەنتتىڭ ستاتسيوناردا ورنى, اۋرۋدىڭ دياگنوستيكاسى مەن ەمى كىرەدى. قازىر دەنساۋلىق ساقتاۋ جۇيەسىندە توسەك قورىن ۇلعايتۋ قاجەت. قازاقستاندىقتارعا مەديتسينالىق كومەك كورسەتۋ ساپاسىن جاقسارتۋ ءۇشىن قور شىلدە ايىندا مەديتسينالىق ۇيىمدارعا ءتاريفتى كوتەردى . ەندى قور پروۆيزورلىق ستاتسيونارعا 1 توسەك-كۇن ءۇشىن 21,9 مىڭنان استام تەڭگە تولەيدى; تاۋلىك بويى ستاتسيونارعا – 32,2 مىڭنان استام تەڭگە; ناۋقاستى انەستەزيولوگيا, رەانيماتسيا جانە قارقىندى تەراپيا بولىمشەسىندە ەمدەۋ ءۇشىن – 1 توسەك-كۇن ءۇشىن 70 مىڭ تەڭگەگە جۋىق قاراجات بولەدى.
مەديتسينالىق ساقتاندىرۋ قورىندا اتالعان قىزمەتتەرگە ءتاريفتىڭ ارتۋى قور جەتكىزۋشىلەرىنىڭ سانىن كوبەيتۋگە, كوروناۆيرۋس پەن پنەۆمونياعا شالدىققان ناۋقاستاردى ەمدەۋگە جەكە اۋرۋحانالاردى بەلسەندى تارتۋعا جانە ستاتسيونارلارداعى مەديتسينالىق كومەكتىڭ ساپاسىن ىنتالاندىرۋعا مۇمكىندىك بەرەدى. الەۋمەتتىك مەديتسينالىق ساقتاندىرۋ قورى 304 ينفەكتسيالىق/پروۆيزورلىق ستاتسيونارمەن ورىنداۋ/بىرلەسىپ ورىنداۋ شارتتارىن جاساستى.وسى جىلدىڭ 30 ماۋسىمىنان توسەك سانى 28 796-دان 47 455-كە دەيىن ارتتى, 18 659 توسەك (64,7%) قوسىلدى. توسەك قورىنىڭ 70% بوس ەمەس.
Covid-19 ىندەتىن ەمدەۋگە تارتىلعان ستاتسيونارلارداعى ورىندارعا كۇن سايىن مونيتورينگ جۇرگىزىلەدى. بۇل كورسەتكىش جەرگىلىكتى اتقارۋشى ورگانداردىڭ جۇمىسىنىڭ ينديكاتورى بولىپ تابىلادى. وڭىردەگى كەرەۋەت قورىنىڭ 70 پايىزى بوس ەمەس, رەزەرۆتەن قوسىمشا كەرەۋەت اشۋ بويىنشا شارالار قابىلدانۋدا.
سونىمەن قاتار, №10 كلينيكالىق حاتتاماعا, 2020 جىلعى 4 شىلدەدەگى №104 باسىلىمعا سايكەس, اۋرۋدىڭ اسيمپتوماتيكالىق جانە جەڭىل ءتۇرى بار ناۋقاستاردى تۇرعىلىقتى جەرى بويىنشا اۋماقتىق ەمحانالاردىڭ ۋچاسكەلىك دارىگەرلەرى باقىلايدى. ستاتسيونارلىق ەمگە Covid-19 شالدىققان ورتاشا اۋىر جانە اۋىر جاعدايداعى پاتسيەنتتەر عانا جاتقىزىلادى.
سونداي-اق, امبۋلاتوريالىق دەڭگەيدە مەديتسينالىق كومەككە قول جەتكىزۋ ماقساتىندا ەمحانالار جانىندا ءموبيلدى بريگادالار قۇرىلدى, ولار ۇيدە مەديتسينالىق قىزمەتتەر كەشەنىن كورسەتەدى.
