قازاقستان • 20 شىلدە، 2020

1 ملن-نان استام ادام 42 500 تەڭگە الۋعا ءوتىنىم بەرگەن

20 شىلدە ساعات 9.00-دەگى جاعداي بويىنشا اعىمداعى جىلدىڭ شىلدە ايىندا شەكتەۋ شارالارىن ەنگىزۋگە بايلانىستى تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان ەڭ تومەنگى جالاقى – 42 500 تەڭگە مولشەرىندە بىرجولعى تولەم تاعايىنداۋعا ازاماتتاردان 1 ملن 55 مىڭ بىرەگەي ءوتىنىش قابىلداندى، دەپ حابارلايدى Egemen.kz

جىبەك اعداري

تولەم 880 مىڭ ادامعا تاعايىندالدى.

ماسق-تان تولەم الۋعا وتىنىمدەر بىرنەشە ارنالار ارقىلى قابىلدانادى. 1 ميلليون 55 مىڭ ءوتىنىمنىڭ ىشىندە:

– 688،7 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى;

– 271،2 مىڭ ادام Egov.kz پورتالى جانە telegram-بوتتار ارقىلى;

– 50،3 مىڭ ادام 42500.enbek.kz پورتالى ارقىلى;

– 44،8 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت-رەسۋرستارى ارقىلى ءوتىنىش بەرگەن.

ازاماتتاردىڭ ساناتتارى بولىنىسىندە:

– 688،7 مىڭ ءوتىنىش بىرىڭعاي جيىنتىق تولەم تولەۋشىلەردەن بەرىلدى (پرواكتيۆتى فورماتتا);

– 15،7 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەردى;

– 350،6 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر; جەكە پراكتيكامەن اينالىساتىن ادامدار; ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار).

ماسق-تان 880 مىڭ ادامعا تولەم تاعايىندالدى.

ەستەرىڭىزگە سالا كەتەيىك، مەملەكەت باسشىسىنىڭ تاپسىرماسى بويىنشا 2020 جىلدىڭ شىلدە ايىندا كارانتيندىك شارالاردىڭ ەنگىزىلۋىنە بايلانىستى جۇمىس ىستەپ جاتقان قازاقستاندىقتارعا تابىسى تولىق جوعالعان جاعدايدا ءبىر ەڭ تومەنگى جالاقى – 42 500 تەڭگە مولشەرىندە بىرجولعى تولەم جۇزەگە اسىرىلاتىن بولادى.

16 شىلدەدەن باستاپ بجت تولەۋشىلەر بولىپ تابىلاتىن ادامدار ءۇشىن sms-حابارلامالاردى جىبەرۋ ارقىلى بىرجولعى تولەمدى تاعايىنداۋ بويىنشا پرواكتيۆتى قىزمەت كورسەتۋ جۇزەگە اسىرىلۋدا.

18 شىلدەدەن باستاپ بجت تولەۋشىلەر egov.kz جانە 42500.enbek.kz پورتالى; telegram-bot-تار; Aitu مەسسەندجەرىندەگى 42500.enbek.kz قوسىمشاسى; ەكىنشى دەڭگەيدەگى بانكتەردىڭ ءموبيلدى قوسىمشالارى مەن ينتەرنەت-رەسۋرستارى ارقىلى ءوتىنىم بەرە الادى.

تولەمدى پرواكتيۆتى تاعايىنداۋعا كەلىسىم بەرگەن ازاماتتارعا باسقا ارنالار ارقىلى ءوتىنىم بەرۋدىڭ قاجەتى جوق، سەبەبى sms-كە جاۋاپ اۆتوماتتى تۇردە ءوتىنىم بەرۋ بولىپ تابىلادى.

17 شىلدەدەن باستاپ جەكە كاسىپكەرلەردەن; جەكە پراكتيكامەن اينالىساتىن ادامداردان; ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالاردان وتىنىمدەر قابىلدانادى.

جالاقى ساقتالمايتىن دەمالىسقا جىبەرىلگەن جالدامالى قىزمەتكەرلەر ءۇشىن ءوتىنىمدى تەك جۇمىس بەرۋشى عانا بەرەتىندىگىن اتاپ ءوتۋ قاجەت. جۇمىس بەرۋشىلەردەن (زاڭدى جانە جەكە تۇلعالاردان) وتىنىشتەر 19 شىلدەدەن باستاپ قابىلدانادى.

ءوتىنىش قابىلداۋ 2020 جىلدىڭ 1 قىركۇيەگىنە دەيىن جالعاسادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز