ايماقتار • 18 شىلدە، 2020

اتىراۋدا كارانتين رەجيمى 3 تامىزعا دەيىن ۇزارتىلدى

507 رەت كورسەتىلدى

قاۋىپتى ىندەتتى جۇقتىرۋشىلارى كوبەيگەن وبلىستىڭ باس مەملەكەتتىك سانيتارلىق دارىگەرى  سادۋاقاس بايعابىلوۆ قاتاڭ كارانتين رەجيمىن 3 تامىزعا دەيىن ۇزارتۋ تۋرالى قاۋلىعا قول قويدى، - دەپ حابارلايدى Egemen.kz.

بۇل قاۋلى 19 شىلدەدە  ساعات 00:00-دە كۇشىنە ەنگەلى وتىر. قاۋلىدا وسى كەزگە دەيىنگى قاتاڭ كارانتيندىك شەكتەۋلەر ساقتالا بەرەدى.  اتاپ ايتقاندا، وبلىس اۋماعىندا بۇرىنعىشا  قالالار مەن ەلدى مەكەندەر اراسىندا اۆتوبۋس جۇرمەيدى.

سونىمەن بىرگە، الماتى قالاسىنا، اقتوبە جانە ماڭعىستاۋ وبلىسىنا قاتىنايتىن پويىزدار توقتاتىلدى. ال، تۇرعىندار مەن اۆتوكولىكتىڭ تۇنگى  ساعات 23:00-دەن تاڭعى 06:00-گە دەيىنگى ارالىقتا جۇرۋىنە بولمايدى.  وسىنداي شەكتەۋ شاراسى  سەنبى، جەكسەنبى جانە مەرەكە كۇندەرى اۆتوكولىكتەر قاتىناسىنا قولدانىلادى.

تۇرعىندارعا جۇمىسقا بارىپ-كەلۋىنە، ازىق-ت ۇلىك پەن ءدارى-دارمەك الۋعا بارۋعا رۇقسات ەتىلەدى. ءدارىحانالار 8:00-دەن 22:00-گە دەيىن، ازىق-ت ۇلىك دۇكەندەرى، شاعىن جانە سۋپەرماركەتتەر ساعات 10:00-دەن 21:00-گە دەيىن،  جۇمىس ىستەيدى. ازىق-ت ۇلىك ەمەس دۇكەندەرگە "ۇيگە جەتكىزۋ" قاعيداتىمەن جۇمىس ىستەۋگە رۇقسات بەرىلىپ وتىر.

قاتاڭ كارانتين رەجيمى 3 تامىزدا  ساعات 00:00-دە اياقتالادى. 

سوڭعى جاڭالىقتار

ۇقساس جاڭالىقتار