قازاقستان • 17 شىلدە، 2020

كارانتيندىك شەكتەۋلەر كەزەڭىندە شەكارادان كىمدەر وتە الادى؟

146 رەت كورسەتىلدى

قازاقستان رەسپۋبليكاسىنىڭ مەملەكەتتىك شەكاراسىنان 2020 جىلعى 11 مامىردان باستاپ كارانتيندىك شەكتەۋلەر كەزەڭىندەگى ءوتۋ ءتارتىبى تۋرالى ۇقك شەكارا قىزمەتى حابارلايدى، دەپ جازادى Egemen.kz

1. قازاقستان رەسپۋبليكاسى ازاماتتارىنىڭ جانە شەتەلدىكتەردىڭ (ازاماتتىعى جوق ادامداردىڭ) قازاقستان رەسپۋبليكاسىنىڭ مەملەكەتتىك شەكاراسىنان وتۋىنە سانيتارلىق-ەپيدەميالىق جاعداي جاقسارعانعا دەيىن ۋاقىتشا شەكتەۋلەر ەنگىزىلەدى، مىنالاردى قوسپاعاندا:

1) ەلدىڭ جانە شەت مەملەكەتتەردىڭ ديپلوماتيالىق قىزمەتىنىڭ پەرسونالى مەن ولاردىڭ وتباسى مۇشەلەرى;

2) قازاقستان رەسپۋبليكاسى سىرتقى ىستەر مينيسترلىگىنىڭ شاقىرۋىمەن قازاقستانعا جىبەرىلگەن رەسمي دەلەگاتسيالاردىڭ مۇشەلەرى، سونىمەن قاتار حالىقارالىق ۇيىمداردىڭ دەلەگاتسيالارى مۇشەلەرى;

3) قازاقستان رەسپۋبليكاسىنىڭ مۇشەسى بولىپ تابىلاتىن جانە شەت مەملەكەتتەردىڭ اۋماعىندا ورنالاسقان حالىقارالىق ۇيىمداردىڭ قىزمەتكەرلەرى بولىپ تابىلاتىن قازاقستان رەسپۋبليكاسىنىڭ ازاماتتارى مەن ولاردىڭ وتباسى مۇشەلەرى - قىزمەتكەردىڭ مارتەبەسىن راستاعان جاعدايدا;

4) پوەزد جانە لوكوموتيۆتىك بريگادالارىنىڭ، اۋە جانە تەڭىز كەمەلەرى ەكيپاجدارىنىڭ مۇشەلەرى جانە تەمىر جول تاسىمالداۋ پروتسەستەرىنە، جۇكتەردى جانە حالىقارالىق قاتىناستا جۇكتەردى تاسىمالداۋدى جۇزەگە اسىراتىن پوەزداردى قابىلداۋ، تاپسىرۋ جانە الىپ ءجۇرۋ جونىندەگى وپەراتسيالارعا قاتىساتىن ادامدار;

5) قازاقستاندىق اۋەكومپانيا قىزمەتكەرىنىڭ مارتەبەسىن راستاعان جاعدايدا قازاقستاندىق اۋەكومپانيالاردىڭ قىزمەتكەرلەرى بولىپ تابىلاتىن شەتەلدىكتەر;

6) قازاقستاندىق اۋەكومپانيالاردىڭ قىزمەتكەرلەرى بولىپ تابىلاتىن شەتەلدىكتەردىڭ وتباسى مۇشەلەرى (تۋىستىق بايلانىستار فاكتىسى راستالعان جاعدايدا - جۇبايى (زايىبى) جانە ولاردىڭ بالالارى)، بىراق 30 تاۋلىكتە 1 رەتتەن ارتىق ەمەس;

7) قىزمەتكەرلەردىڭ كۋالاندىرىلعان اتاۋلى تىزىمدە بولعان جاعدايدا قىزمەتتىك مىندەتتەرىن اتقارۋ ءۇشىن قازاقستان رەسپۋبليكاسىنىڭ اۋماعىنداعى شەتەلدىك ترانسشەكارالىق قۇرىلىستارعا قىزمەت كورسەتەتىن پەرسونال جانە شەكتەس مەملەكەتتەردىڭ اۋماعىنداعى قازاقستاندىق ترانسشەكارالىق قۇرىلىستارعا قىزمەت كورسەتەتىن پەرسونال;

8) قازاقستان رەسپۋبليكاسىنان جالعا الىنعان اۋماقتاردا[1] ورنالاسقان اسكەري قۇرالىمدار، ونەركاسىپ بولىمشەلەرى مەن كاسىپورىندارىنىڭ قۇرامىنا كىرەتىن رەسەي فەدەراتسياسىنىڭ ازاماتتارى جانە ولاردىڭ وتباسى مۇشەلەرى (جۇبايى، زايىبى، ولاردىڭ اتا-انالارى جانە بالالارى) اسكەري قۇرالىمداردا (بولىمشەگە، ونەركاسىپ كاسىپورىنعا) تيەسىلىگى جانە تۋىستىق بايلانىستارى راستالعان كەزدە، سونداي-اق وسى اسكەري بولىمدەرگە، بولىمشەلەر مەن ونەركاسىپتىك كاسىپورىندارعا جىبەرىلگەن رەسەي فەدەراتسياسىنىڭ ازاماتتارى - ەگەر رەسەي فەدەراتسياسىنىڭ ۋاكىلەتتى مەملەكەتتىك ورگاندارى مەن ۇيىمدارى بەرگەن جول ءجۇرۋ سەرتيفيكاتتارى بولسا;

9) "بايقوڭىر" كەشەنى مەن بايقوڭىر قالاسىنىڭ اۋماعىنا رەسەي فەدەراتسياسىنىڭ ازاماتتارى مەن ولاردىڭ وتباسى مۇشەلەرى – "بايقوڭىر" كەشەنىندە جۇمىس ىستەيتىن، سونداي-اق بايقوڭىر قالاسىندا تۇراقتى نەمەسە ۋاقىتشا تىركەلگەن مەملەكەتتىك ورگاندارداعى جانە وزگە دە ۇيىمدارداعى جۇمىستىڭ/قىزمەتتىڭ جارامدىلىعىن راستايتىن قۇجاتتى/قۇجاتتاردى مىندەتتى تۇردە ۇسىنعان كەزدە;

10) قازاقستان رەسپۋبليكاسى مەن شەت مەملەكەتتەردىڭ ۇكىمەتارالىق فەلدەگەرلىك بايلانىس قىزمەتكەرلەرى، قىزمەتكەردىڭ مارتەبەسى راستالعان كەزدە;

11) بۇرىن شەت مەملەكەتتىڭ اۋماعىنا كەتكەن قازاقستان رەسپۋبليكاسىنىڭ ازاماتتارى (ازاماتتىعى جوق ادامنىڭ كۋالىگىمەن قازاقستان رەسپۋبليكاسى قۇجاتتاعان ازاماتتىعى جوق ادامدار) قازاقستان رەسپۋبليكاسىنا قايتىپ كەلگەن كەزدە;

12) قازاقستان رەسپۋبليكاسىنان باسقا مەملەكەتكە تۇراقتى تۇرۋعا كەتكەن جانە/نەمەسە يمميگراتسيالىق ۆيزالارى بار قازاقستان رەسپۋبليكاسىنىڭ ازاماتتارى;

13) قازاقستان رەسپۋبليكاسىنىڭ شەتەلگە ەمدەلۋگە كەتەتىن ازاماتتارى دەنساۋلىق ساقتاۋ مەكەمەلەرىنىڭ راستايتىن قۇجاتتارىن كورسەتكەن كەزدە (ەكى ەرەسەك ادامنان اسپايتىن ەرىپ جۇرگەندە)، مىناداي قۇجاتتار بولعان كەزدە:

- "دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى" قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى№ 907 بۇيرىعىمەن بەكىتىلگەن 035-1/ۋ نىسانىنا سايكەس دياگنوزدى جانە ەمدەۋ جەدەلدىگىن راستاۋ ءۇشىن اۋماقتىق امبۋلاتوريالىق-ەمحانالىق ۇيىمنىڭ دارىگەرلىك-كونسۋلتاتسيالىق كوميسسياسىنىڭ قورىتىندىسى";

- شەتەلدىك مەديتسينالىق ۇيىمنان ەمدەلۋگە شاقىرۋ-حات، نوتاريالدى كۋالاندىرىلعان اۋدارماسى بار;

14) شەت مەملەكەتتەردىڭ تۇرۋعا ىقتيارحاتى بار نە ولاردىڭ اۋماعىندا ۋاقىتشا تۇرۋعا رۇقساتى بار قازاقستان رەسپۋبليكاسىنىڭ ازاماتتارى (تەك رەسەي فەدەراتسياسى مەن بەلارۋس رەسپۋبليكاسىنىڭ اۋماعىندا بولۋ ءۇشىن) جانە ولاردىڭ كامەلەتكە تولماعان بالالارى – 30 تاۋلىك ىشىندە 1 رەتتەن ارتىق ەمەس[2];

15) قازاقستان رەسپۋبليكاسىنىڭ اۋەجايلارىنان بۇرىن تۋريستىك جولدامالار بويىنشا دەمالۋعا ۇشىپ شىققان جانە ءوزىنىڭ ازاماتتىعى بار ەلىنە اۆتوموبيل كولىگىمەن ودان ءارى شىعۋ ماقساتىندا دەمالعاننان كەيىن قازاقستان رەسپۋبليكاسىنىڭ اۋەجايلارىنا قايتىپ كەلگەن شەتەلدىكتەر، ولاردى وسى مەملەكەتتەر ەلشىلىكتەرىنىڭ كەلىسىمى بويىنشا جانە جاردەمىمەن اكەتكەن جاعدايدا;

16) قاجەتتى سانيتارلىق-ەپيدەميالىق ءىس-شارالار جۇرگىزىلگەننەن كەيىن ءوز مەملەكەتتەرىنىڭ ەلشىلىگى مەن كونسۋلدىق مەكەمەلەرىنىڭ ءوتىنىشى بويىنشا ازاماتتىعى بار ەلىنە اۆتوموبيل وتكىزۋ پۋنكتتەرى ارقىلى ودان ءارى ۇشىپ شىعۋ نەمەسە كەتۋ ءۇشىن قازاقستان رەسپۋبليكاسىنا اۋە وتكىزۋ پۋنكتتەرى ارقىلى كەلەتىن شەتەلدىكتەر;

17) راستايتىن قۇجاتتارى بولعان كەزدە وتباسى مۇشەلەرى مەن جاقىن تۋىستارىن (اتا-انالارى (اتا-اناسى)، بالالارى، بالا اسىراپ الۋشىلار، اسىراپ الىنعاندار، اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى، اتاسى، اجەسى، نەمەرەلەرى) جەرلەۋگە بارا جاتقان ادامداردى، سونداي-اق قايتىس بولعان وتباسى مۇشەلەرى مەن جاقىن تۋىستارىنىڭ ءمايىتىن ء(مايىتىن) جەرلەۋ ورنىنا ىلەسىپ جۇرەتىن ادامدار;

18) اۋىر ناۋقاستانۋى تۋرالى ەمدەۋ ورنىنىڭ راستايتىن قۇجاتتارى بولعان كەزدە اۋىر ناۋقاستانعان وتباسى مۇشەلەرى جانە جاقىن تۋىستارىن كۇتىپ-باعۋ ءۇشىن بارا جاتقان ادامدار (اتا-انالارى (اتا-اناسى)، بالالارى، بالا اسىراپ الۋشىلار، اسىراپ الىنعاندار، اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى، اتاسى، اجەسى، نەمەرەلەرى) جانە ولاردىڭ كامەلەتكە تولماعان بالالارى;

19) قازاقستان رەسپۋبليكاسىنىڭ اۋماعىنا ەلدەن كەتۋ ءۇشىن بۇرىن كەلگەن شەتەلدىكتەر (ازاماتتىعى جوق ادامنىڭ كۋالىگى شەت مەملەكەت قۇجاتتاعان ازاماتتىعى جوق ادامدار);

20) قازاقستان رەسپۋبليكاسىنىڭ اۋماعىندا تۇرۋعا ىقتيارحاتى (ورالمان مارتەبەسى) بار شەتەلدىكتەر (ازاماتتىعى جوق ادامدار) جانە ولاردىڭ وتباسى مۇشەلەرى (جۇبايى، زايىبى، ولاردىڭ اتا - انالارى جانە بالالارى) - 30 تاۋلىك ىشىندە 1 رەتتەن ارتىق ەمەس;

21) قازاقستان رەسپۋبليكاسى ازاماتتارىنىڭ وتباسى مۇشەلەرى بولىپ تابىلاتىن شەتەلدىكتەر (ازاماتتىعى جوق ادامدار) - تۋىستىق بايلانىستار فاكتىسى راستالعان جاعدايدا (جۇبايى (زايىبى)، ولاردىڭ اتا - انالارى جانە بالالارى) جانە ولاردىڭ كامەلەتكە تولماعان بالالارى – 30 تاۋلىك ىشىندە 1 رەتتەن ارتىق ەمەس;

22) شەتەلدىكتەردىڭ وتباسى مۇشەلەرى (ەرلى – زايىپتارى، اتا-انالارى، بالالارى، اسىراپ الۋشىلارى، اسىراپ العان بالالارى)، قورعانشىلارى مەن قامقورشىلارى بولىپ تابىلاتىن قازاقستان رەسپۋبليكاسىنىڭ ازاماتتارى جانە ولاردىڭ كامەلەتكە تولماعان بالالارى - تەك وتباسى مۇشەسىنىڭ ازاماتتىعى بار ەلىنە شىعۋ ءۇشىن، 30 تاۋلىك ىشىندە 1 رەتتەن كوپ ەمەس;

23) شەتەلدىك وقۋ ورنىنىڭ راستايتىن قۇجاتتارى بولعان جاعدايدا، سونداي-اق ستۋدەنتتىك ۆيزالارىن ۇزارتۋ، ستۋدەنتتىك ID-كارتالارىن رەسىمدەۋ، ەمتيحانداردى (تەستتەردى) تاپسىرۋ ءۇشىن - شەتەلدىك ءبىلىم بەرۋ مەكەمەسىنىڭ شاقىرۋى جانە وسى ماقساتتارمەن شەت ەلگە كىرۋگە رەسمي رۇقساتى بولعان جاعدايدا شەت مەملەكەتتەردىڭ وقۋ ورىندارىندا وقىپ جۇرگەن قازاقستان رەسپۋبليكاسىنىڭ ازاماتتارى. ەگەر وسى تارماقشادا كورسەتىلگەن ماقساتتارعا جاتاتىن قازاقستان رەسپۋبليكاسىنىڭ ازاماتى كامەلەتكە تولماعان بولسا، ونىڭ اتا-اناسىنىڭ (قورعانشىلارىنىڭ نەمەسە قامقورشىلارىنىڭ) ەرە جۇرۋلەرىنە رۇقسات بەرىلەدى;

24) ءتيىستى ساناتتاعى جۇرگىزۋشى كۋالىگى بولعان كەزدە حالىقارالىق جۇك تاسىمالدارىن جۇزەگە اسىراتىن جۇرگىزۋشىلەر ء(بىر جۇك كولىك قۇرالىنا 2 جۇرگىزۋشىدەن ارتىق ەمەس) جانە اۋىلشارۋاشىلىق قىزمەتىمەن اينالىساتىن تاۋارلاردىڭ يەلەرى - اۋىلشارۋاشىلىق قىزمەتىن جۇزەگە اسىرۋدى راستايتىن قۇجاتتار بولعان كەزدە (قازاقستان رەسپۋبليكاسى اۋىل شارۋاشىلىعى مينيسترلىگى بەكىتكەن ءتىزىم مەن ۇلگى قۇجاتتارىنا سايكەس);

25) وسى تارتىپكە سايكەس قازاقستان رەسپۋبليكاسىنىڭ مەملەكەتتىك شەكاراسىنان وتۋگە رۇقسات ەتىلگەن ادامداردى تاسىمالداۋدى جانە ەۆاكۋاتسيالىق رەيستەردى جۇزەگە اسىراتىن جۇرگىزۋشىلەر;

26) ءاربىر جەكە جاعداي ءۇشىن قازاقستان رەسپۋبليكاسى پرەمەر-ءمينيسترىنىڭ ورىنباسارى توراعالىعىمەن ارنايى قۇرىلعان ۆەدومستۆوارالىق كوميسسيا بەكىتەتىن تىزىمگە سايكەس الەۋمەتتىك ماڭىزى بار كومپانيالاردىڭ قىزمەتكەرلەرى (ماماندارى) – شەتەلدىكتەر;

27) ءاربىر جەكە جاعداي ءۇشىن قازاقستان رەسپۋبليكاسى پرەمەر-ءمينيسترىنىڭ ورىنباسارى توراعالىعىمەن ارنايى قۇرىلعان ۆەدومستۆوارالىق كوميسسيا بەكىتەتىن تىزىمگە سايكەس جاسالعان كەلىسىم-شارتتار شەڭبەرىندە اۆتوموبيل جانە ارنايى كولىك جەتكىزۋدى جۇزەگە اسىراتىن ادامدار;

28) قازاقستان رەسپۋبليكاسىنان شىعۋعا بىلىكتى قىزمەتكەرلەر (ماماندار) قاتارىنداعى قازاقستان رەسپۋبليكاسىنىڭ ازاماتتارى - باراتىن ەلىنە كەلۋگە رەسمي رۇقساتى بولعان جاعدايدا ءاربىر جەكە جاعداي ءۇشىن قازاقستان رەسپۋبليكاسى پرەمەر-ءمينيسترىنىڭ ورىنباسارى توراعالىق ەتەتىن ارنايى قۇرىلعان ۆەدومستۆوارالىق كوميسسيا بەكىتەتىن تىزىمگە سايكەس، قازاقستان رەسپۋبليكاسى مەملەكەتتىك ورگاندارىنىڭ قولداۋحاتى بويىنشا;

29) دەنساۋلىق ساقتاۋ مەكەمەلەرىنىڭ راستايتىن قۇجاتتارىن ۇسىنعان جاعدايدا (ەكى ەرەسەك ادامنان اسپايتىن ەرىپ جۇرگەندە) قازاقستاندىق مامانداندىرىلعان ەمدەۋ مەكەمەلەرىندە ەمدەلۋدەن ءوتۋ ءۇشىن شەتەلدىكتەر (ازاماتتىعى جوق ادامدار);

30) قازاقستان رەسپۋبليكاسى باس پروكۋراتۋراسىنىڭ شەشىمى جانە قازاقستان رەسپۋبليكاسى ءىىم قاجك كوميتەتىنىڭ ءتيىستى حاتى نەگىزىندە - ەكستراديتسيالاۋ تارتىبىمەن بەرىلەتىن شەتەلدىكتەر (ازاماتتىعى جوق ادامدار) مەن قازاقستان رەسپۋبليكاسى ازاماتتارىنىڭ قاتارىنان ىزدەستىرىلەتىن جانە سوتتالعان، سونداي-اق ولاردى قابىلداپ الۋ - بەرۋ ايداۋىل قىزمەتىنىڭ قىزمەتكەرلەرىنە تاپسىرۋدى جۇزەگە اسىراتىن ادامدار;

31) قازاقستان رەسپۋبليكاسىنا ەكيپاجدان تىس اۋسىمعا بارا جاتقان تەڭىز كەمەلەردىڭ قىزمەتكەرلەرى قۇرامىنان تۇراتىن شەتەلدىك ازاماتتارعا (ازاماتىعى جوق تۇلعالارعا) تەڭىز (وزەن) كەمەلەردىڭ ەكيپاج قۇرامىنا قاتىستىعى مەن مارتەبەسىن دالەلدەيتىن ءتيىستى قۇجاتتارى بار بولعان جاعدايدا;

32) قر مەملەكەتتىك جانە جەرگىلىكتى ورگاندارىنىڭ شاقىرۋى بويىنشا مەديتسينالىق كومەك كورسەتۋ ءۇشىن، سونداي-اق شەتەل مەملەكەتتەرى مەن حالىقارالىق ۇيىمدارىنىڭ گۋمانيتارلىق كومەگى شەڭبەرىندە قازاقستانعا كەلە جاتقان شەتەل مەديتسينالىق پەرسونالىنا.

2. قازاقستان رەسپۋبليكاسى ۇكىمەتىنىڭ شەشىمى بويىنشا تىكەلەي اۋە قاتىناسى قايتا ورناتىلعان شەت مەملەكەتتەرگە قازاقستان رەسپۋبليكاسى ازاماتتارىنىڭ شىعۋلارىنا، سونداي-اق قازاقستان رەسپۋبليكاسىنا تىكەلەي اۋە قاتىناسى قايتا ورناتىلعان مەملەكەتتەردىڭ ازاماتتارىنا - ۆيزالىق تالاپتاردى ساقتاي وتىرىپ، ەگەردە قازاقستان رەسپۋبليكاسىنىڭ حالىقارالىق شارتتارىندا وزگەشە ءتارتىپ قاراستىرىلماعان بولسا، قازاقستان رەسپۋبليكاسىنا كىرۋگە رۇقسات بەرىلەدى.

3. اقتاۋ جانە قۇرىق تەڭىز پورتتارىندا جۇك اۆتوكولىك قۇرالدارىنىڭ جۇرگىزۋشىلەرىن، قازاقستان رەسپۋبليكاسىنا قايتىپ كەلە جاتقان قازاقستان رەسپۋبليكاسىنىڭ ازاماتتارىن جانە ولاردىڭ جەكە كولىگىن قوسپاعاندا، جولاۋشىلاردى تاسىمالداۋعا تىيىم سالىنادى.

جۇكتەردى تەڭىز پورتتارى ارقىلى اۋىستىرىپ تيەۋ قاتاڭ تۇردە سانيتارلىق-ەپيدەميولوگيالىق نورمالاردى ساقتاي وتىرىپ جۇزەگە اسىرىلۋى ءتيىس. ەكيپاجدىڭ كەمەلەردەن شىعۋىنا تىيىم سالىنادى.

4. قازاقستان رەسپۋبليكاسىنىڭ مەملەكەتتىك شەكاراسىن كەسىپ وتۋگە جانە قازاقستان رەسپۋبليكاسىنىڭ اۋماعىندا بولۋعا مەملەكەتتىك ورگاندارىنىڭ رۇقساتتارىن بەلگىلەنگەن تارتىپپەن رەسىمدەگەن جاعدايدا مۇددەلى مەملەكەتتىك ورگاندارمەن بىرلەسىپ، «بايقوڭىر» عارىش ايلاعىنان ۇشىرۋ ناۋقاندارى جانە عارىشكەرلەر قوناتىن جەردەن جانە ۇشىرىلاتىن عارىش وبەكتىلەرىن ىزدەستىرۋ جانە ەۆاكۋاتسيالاۋ جونىندەگى ءىس-شارالار شەڭبەرىندە ىسكە قوسىلعان اۋە كەمەلەرىن جانە جەر ءۇستى تەحنيكاسىن شەكارا ارقىلى وتكىزۋدى جۇزەگە اسىرۋعا رۇقسات ەتىلەدى.

5. قازاقستان رەسپۋبليكاسىنىڭ سىرتقى ىستەر مينيسترلىگىنە قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىمەن، قازاقستان رەسپۋبليكاسى ىشكى ىستەر مينيسترلىگىمەن، قازاقستان رەسپۋبليكاسى دەنساۋلىق ساقتاۋ مينيسترلىگىمەن، قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىمەن كەلىسىم بويىنشا (ونىڭ ىشىندە جۇمىس تارتىبىمەن) شەت مەملەكەتتەردىڭ ديپلوماتيالىق قىزمەتتەرى رەسمي ءوتىنىش جاساعان كەزدە قازاقستان رەسپۋبليكاسى ارقىلى ءوزىنىڭ ازاماتتىعى بار ەلىنە ترانزيتتىك جول ءجۇرۋدىڭ ورىندىلىعى مەن مۇمكىندىگىن انىقتاۋعا رۇقسات بەرىلەدى.

6. قازاقستان رەسپۋبليكاسىنىڭ سىرتقى ىستەر مينيسترلىگىنە، ىشكى ىستەر مينيسترلىگىنە، دەنساۋلىق ساقتاۋ مينيسترلىگىنە، ۇلتتىق قاۋىپسىزدىك كوميتەتىنىڭ شەكارا قىزمەتىمەن (ونىڭ ىشىندە جۇمىس تىرتىبىمەن) كەلىسۋ بويىنشا قازاقستان رەسپۋبليكاسىندا اككرەديتاتسيالانعان شەتەلدىك مەملەكەتتەردىڭ ديپلوماتيالىق وكىلدىكتەرىنىڭ رەسمي ءوتىنىش جاساعان كەزدە شەتەلدىك ديپلوماتيالىق جانە كونسۋلدىق وكىلدىكتەردىڭ قىزمەتكەرلەرى مەن ولاردىڭ وتباسى مۇشەلەرىنىڭ، سونداي-اق شەتەلدىك ديپلوماتيالىق جانە كونسۋلدىق وكىلدىكتەرمەن شاقىرىلاتىن تۇلعالاردىڭ قازاقستان رەسپۋبليكاسىنىڭ اۋماعىنا كىرۋ/شىعۋ ورىندىلىعى مەن مۇمكىندىگىن انىقتاۋعا رۇقسات بەرىلەدى.

7. حالىقارالىق جۇك تاسىمالداۋدى جۇزەگە اسىراتىن جۇرگىزۋشىلەر – قىتاي حالىق رەسپۋبليكاسىنىڭ ازاماتتارى ءۇشىن قازاقستان تاراپىنداعى وتكىزۋ پۋنكتتەرىنىڭ اۋماعىندا ورنالاسقان كولىك-لوگيستيكالىق ورتالىقتارعا دەيىن ۆيزاسىز 24 ساعات بويى كىرىپ-شىعۋعا رۇقسات ەتىلەدى.


[1] قازاقستان رەسپۋبليكاسى مەن رەسەي فەدەراتسياسى اراسىنداعى رەسەي فەدەراتسياسى قورعانىس مينيسترلىگىنىڭ 929-مەملەكەتتىك ۇشۋ-سىناق ورتالىعىن (قازاقستان رەسپۋبليكاسىنىڭ اۋماعىندا ورنالاسقان وبەكتىلەرى مەن اسكەري الاڭدارىن) پايدالانۋ ءتارتىبى تۋرالى كەلىسىم (ماسكەۋ ق.، 1995 جىلعى 20 قاڭتار).

قازاقستان رەسپۋبليكاسى مەن رەسەي فەدەراتسياسى اراسىنداعى سارى-شاعان سىناق پوليگونىن پايدالانۋ مەن جالعا بەرۋ شارتتارى جانە پريوزەرسك قالاسىنىڭ تىرشىلىك ارەكەتىن قامتاماسىز ەتۋ تۋرالى كەلىسىم (1995 جىلعى 20 قاڭتار).
[2] بۇل جەردە جانە بۇدان ءارى مەملەكەتتىك شەكارانى ءبىر مارتەدەن كوپ ەمەس (كىرۋ-شىعۋ) ءوتۋدى بەلگىلەيدى.

سوڭعى جاڭالىقتار

ۇقساس جاڭالىقتار