بۇعان دەيىن الماتى وبلىسىنىڭ تۋماسى اقپان ايىندا الاياقتىق ارەكەتى ءۇشىن ۋاقىتشا ۇستاۋ يزولياتورىنا قامالعان ەدى. 1958 جىلى دۇنيەگە كەلگەن ەر ادام ءوزىن جىلۋ جەلىلەرىن ورناتۋ شەبەرى رەتىندە تانىستىرىپ, وعان جۇگىنگەن ادامداردىڭ اقشاسىن يەمدەنىپ قاشىپ كەتكەن.
ونىڭ قۇقىق بۇزۋشىلىق ارەكەتتەرىنەن ءبىر عانا ەمەس, ونعا جۋىق ادام زارداپ شەككەن كورىنەدى. الاياق ءۇشتى-كۇيلى جوق بولىپ كەتكەندىكتەن, پوليتسيا وكىلدەرى ىزدەستىرۋ جۇمىستارىن قاتاڭداتا ءتۇستى. اقىر-سوڭىندا قاشقىندى قولعا ءتۇسىرىپ, اعىمداعى جىلدىڭ 6 اقپانىندا بىردەن قاماۋعا الدى.
تالدىقورعان قىىب-نىڭ تەرگەۋشىسى بارلىق قاجەتتى تەرگەۋ ارەكەتتەرىن جۇرگىزىپ, ءىستى سوتتىڭ قاراۋىنا جىبەردى. سوت پروتسەسى بارىسىندا ەر ادام ءوزىنىڭ كىناسىن تولىعىمەن مويىنداپ, شىن مانىندە الاياقتىق جاساعانىن ايتتى. سوت تەرگەۋىندە ۇرلانعان اقشانى ءوز قاجەتتىلىگىنە جۇمساعانى انىقتالدى.
جۋىردا تالدىقورعان قالالىق سوتىندا قر قك-ءنىڭ 190-بابى 3-بولىگىنىڭ 1-تارماعىندا كوزدەلگەن قىلمىستى جاساعانى ءۇشىن كىنالى دەپ تانىلعان ەر ادامعا قاتىستى ۇكىم جاريالاندى. سوت وعان ورتاشا قاۋىپسىز قىلمىستىق-اتقارۋ جۇيەسى مەكەمەسىندە جازاسىن وتەي وتىرىپ, ءۇش جىل مەرزىمگە باس بوستاندىعىنان ايىرۋ جازاسىن تاعايىندادى.
