"46 مىڭعا جۋىق مەديتسينا قىزمەتكەرى: مەدبيكەلەر, سانيتارلار, دارىگەرلەر ينفەكتسيالىق جانە پروۆيزورلىق ستاتسيونارلاردا بىرىگىپ جۇمىس ىستەيدى. ارينە, كوروناۆيرۋس ينفەكتسياسىن جۇقتىرۋ كورسەتكىشىنىڭ وسۋىنە بايلانىستى رەانيماتولوگتەر نەمەسە اناستەزيولوگتەر عانا ەمەس, ينفەكتسيونيستەر, پۋلمونولوگتەر دا جەتىسپەيدى", دەدى تيمۋر سۇلتانعازيەۆ.
ونىڭ ايتۋىنشا, نورماتيۆتىك بازالاردا دارىگەرلەردى قايتا دايارلاۋ وتكىزىلەدى. مىسالى, كارديولوگتەردى, ينفەكتسيونيستەردى وقىتۋ بويىنشا جۇرگىزىلەدى. سونداي-اق كوپ سالالى دارىگەرلەر ارنايى تاجىريبەدەن ءوتىپ, بىردەن ينفەكتسيونيست رەتىندە جۇمىس ىستەي باستاۋى ءۇشىن زاڭناماعا وزگەرىستەر مەن تۇزەتۋلەر ەنگىزىلگەنىن اتاپ ءوتتى.
ءباسپاسوز ءماسليحاتىندا سپيكەر مەديتسينالىق كوللەدجدەر مەن جوعارى وقۋ ورىندارىنىڭ تۇلەكتەرىن پروۆيزورلىق جانە جۇقپالى اۋرۋلار ستاتسيونارلارىندا ودان ءارى جۇمىس ىستەۋ ءۇشىن دايارلاۋ جۇمىستارى قالاي جۇرگىزىلىپ جاتقانىن حابارلادى.
"مەديتسينالىق جوو مەن كوللەدج تۇلەكتەرىنەن بيىل 88 انەستەزيولوگ, 208 تۇلەك - ەپيدەميولوگ دايارلانىپ شىعارىلادى. سونىمەن قاتار دەنساۋلىق ساقتاۋ مينيسترلىگىنىڭ قولداۋىمەن مەديتسينالىق جوعارى وقۋ ورىندارىنا انەستەزيولوگ, كارديولوگ ماماندىقتارى بويىنشا ستۋدەنتتەردى وقىتۋعا 200 ورىن ءبولىندى. سانيتار, ەپيدەميولوگ ماماندارىن دايىنداۋ ءۇشىن باكالاۆر مەن ماگيستراتۋرادا 360 ورىن ءبولۋدى جوسپارلاپ وتىرمىز", دەپ ءسوزىن تۇيىندەدى تيمۋر سۇلتانعازيەۆ.
