ەلوردا • 15 شىلدە، 2020

التاي كولگىنوۆ: ءار ناۋقاسقا مەديتسينالىق كومەك كورسەتىلۋى كەرەك

18 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ ەمحانالار مەن اۋرۋحانالاردىڭ باس دارىگەرلەرىمەن، قالانىڭ سانيتارلىق دارىگەرىمەن ونلاين-كەڭەس وتكىزدى، - دەپ حابارلايدى Egemen.kz.

اكىم ەمحانالاردا امبۋلاتوريالىق ەمدەۋدى كۇشەيتۋدى، ناۋقاستاردى باقىلاۋ بارىسىندا تەلەمەديتسينا قۇرالدارىن پايدالانۋدى جانە ءتيىستى دەڭگەيدە جەدەل كومەك كورسەتۋدى تاپسىردى. سونداي-اق امبۋلاتوريالىق ەمدەۋدى كۇشەيتۋ قاجەتتىگىن دە اتاپ ءوتتى.

"ناۋقاستاردىڭ 60%-دان استامى ەمحانالارعا جۇگىنەدى. مۇندا امبۋلاتوريالىق ەمدەۋدى كۇشەيتۋ وتە ماڭىزدى. اۋرۋدىڭ العاشقى كەزەڭىندە تۇرعىندارعا بارلىق قاجەتتى مەديتسينالىق كومەك كورسەتىلۋى كەرەك. جۇقپالى اۋرۋلار ستاتسيونارى دارىگەرلەرى Covid-19-بەن كۇرەسۋدە ايتارلىقتاي تاجىريبە جينادى، دەدى ەلوردا اكىمى التاي كولگىنوۆ.

قالا باسشىسىنىڭ ايتۋىنشا، ولار تەلەمەديتسينانى پايدالانا وتىرىپ، كەڭەس بەرىپ، ەمحانالاردىڭ مەديتسينالىق قىزمەتكەرلەرىمەن تاجىريبە الماساتىن بولادى. كارانتين كەزىندە جوسپارلى ەمدەۋگە جاتقىزۋ ۋاقىتشا توقتاتىلدى، مۇندا ناۋقاستارمەن كەرى بايلانىستى كۇشەيتۋ كەرەك. قاجەت بولعان جاعدايدا ەمدەۋگە جاتقىزعان ءجون. شۇعىل اۋرۋحاناعا جاتقىزىلاتىن جاعدايدى ءاربىر دارىگەر باقىلاۋدا ۇستاۋى ءتيىس. ۇشىنشىدەن، دەنساۋلىق ساقتاۋ مينيسترلىگى مەن سق «فارماتسيا» بىرلەسىپ، اۋرۋحانالار مەن ەمحانالاردى قاجەتتى مەديتسينالىق جابدىقتارمەن تولىقتىرۋ بويىنشا جۇمىستار جۇرگىزەمىز. قامتاماسىز ەتۋ ماسەلەسى باقىلاۋدا بولادى.

التاي كولگىنوۆ: ء"اربىر ناۋقاسقا ساپالى مەديتسينالىق كومەك كورسەتىلۋى، اۋىر ناۋقاسقا شالدىققاندار ەرەكشە باقىلاۋدا بولۋى ءتيىس . ءار ناۋقاستىڭ ءومىرى ءۇشىن سوڭىنا دەيىن كۇرەسۋ قاجەت"، دەيدى قالا اكىمى.

سوڭعى جاڭالىقتار

ۇقساس جاڭالىقتار