قازاقستان • 15 شىلدە، 2020

"پنەۆمونيا كوروناۆيرۋستان قاۋىپتى": قىتاي ەلشىلىگى قاتەسىن تۇزەدى

321 رەت كورسەتىلدى

سىرتقى ىستەر ءمينيسترىنىڭ ورىنباسارى ەرجان اشىقباەۆ قىتاي ەلشىلىگى قازاقستانداعى وكپە قابىنۋىنا قاتىستى تاراتقان تەرىس اقپاراتىنا تۇزەتۋ ەنگىزگەنىن مالىمدەدى. بۇل تۋرالى inbusiness.kz حابارلايدى، دەپ جازادى Egemen.kz

ء"بىز قىتاي ەلشىلىگى تاراتقان اقپارات شىعا سالا ەلشى مىرزا مەن جاڭادان تاعايىندالعان دەنساۋلىق ساقتاۋ ءمينيسترى اراسىنداعى تەلەفون سۇحباتىن ۇيىمداستىردىق. بارلىق ماسەلە بويىنشا ءتيىستى اقپارات، تۇسىنىكتەمە قىتاي تاراپىنا جەتكىزىلدى. ناتيجەسىندە ەلشىلىك ءوزى تاراتقان اقپاراتقا ءتيىستى وزگەرىس ەنگىزدى"، دەدى ەرجان اشىقباەۆ.

ەستەرىڭىزگە سالايىق، بۇدان بۇرىن قىتايدىڭ بۇقارالىق اقپارات قۇرالدارى قازاقستاندا كوروناۆيرۋستان دا قاۋىپتى پنەۆمونيا تاراعانى تۋرالى مالىمەت تاراتتى.

وسىنىڭ ىزىنشە ەلىمىزدىڭ دەنساۋلىق ساقتاۋ مينيسترلىگى بۇعان قاتىستى تۇسىنىكتەمە بەردى. "قىتايدىڭ كەيبىر بۇقارالىق اقپارات قۇرالدارىندا قازاقستاندا كوروناۆيرۋسقا قاراعاندا، ءولىم-جىتىمگە اناعۇرلىم كوبىرەك الىپ كەلەتىن بەلگىسىز پنەۆمونيا انىقتالعانى تۋرالى اقپارات تاراپ جاتىر.

قازاقستان رەسپۋبليكاسىنىڭ دەنساۋلىق ساقتاۋ مينيسترلىگى اتالعان اقپارات شىندىققا جاناسپايتىنىن مالىمدەيدى"، دەپ حابارلاعان بولاتىن دەنساۋلىق مينيسترلىگىنىڭ ءباسپاسوز قىزمەتى. 

سوڭعى جاڭالىقتار

ۇقساس جاڭالىقتار