وسىنداي دەرەكتەر سەبەپ بولدى ما, كەشە وبلىستىڭ باس مەملەكەتتىك سانيتارلىق دارىگەرى تاعى دا اۋىستى. تاعى دا دەيتىن سەبەبىمىز, اتىراۋدا كوروناۆيرۋس ينفەكتسياسى تىركەلگەن 27 ناۋرىزدان بەرى بۇل قىزمەتتى مەيىرجان ەسىمباەۆ, تەمىربەك مۇساعاليەۆ جانە امانتاي جۇماعاليەۆ اتقارعان ەدى. ەندى مىنە, اتالعان لاۋازىمدى ءتورتىنءشى بولىپ اتقارۋعا سادۋاقاس بايعابىلوۆ تاعايىندالدى.
قاراعاندى مەملەكەتتىك مەديتسينا ينستيتۋتىن بىتىرگەن ونىڭ بۇل سالادا 20 جىلدان استام تاجىريبەسى بار. ءار جىلدارى قاراعاندى وبلىسىنىڭ تۇتىنۋشىلار قۇقىعىن قورعاۋ دەپارتامەنتىندە, قر پرەمەر-ءمينيسترىنىڭ كانتسەليارياسىندا جۇمىس ىستەدى. كەيىن پاۆلودار وبلىستىق جانە نۇر-سۇلتان قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتتەرىن باسقاردى. سونداي-اق, وسى كەزگە دەيىن قر كولىكتەگى باس مەملەكەتتىك سانيتارلىق دارىگەرى بولدى.
