فوتو: kolesa.kz
Kaspi.kz-ءتىڭ تەڭ قۇرىلتايشىسى ءارى باسشىسى ميحايل لومتادزە اۆتوكولىك يەلەرىنە ارنالعان سەرۆيسكە قاتىستى وڭ پىكىرلەر جازىلىپ جاتقانىن اتاپ ءوتتى.
«Kaspi.kz سۋپەرقوسىمشاسى ارقىلى اۆتوكولىكتى قايتا تىركەۋگە, جۇرگىزۋشى كۋالىگىن اۋىستىرۋعا, كولىكتى كەپىلگە قويۋعا نەمەسە كەپىلدەن شىعارۋعا بولادى. ەندى قوسىمشادا تەحنيكالىق پاسپورتتى اۋىستىرۋ قىزمەتى دە قولجەتىمدى بولىپ وتىر. ادامدارعا كۇندەلىكتى ماسەلەلەرىن تەز ءارى وڭاي شەشۋگە كومەكتەسەتىن سەرۆيستەردى جاساعانىمىزعا قۋانىشتىمىز. قولدانۋشىلار قازىر قوسىمشانى پايدالانىپ, جاعىمدى پىكىرلەرىن جەتكىزىپ جاتىر. ىنتىماقتاستىق ءۇشىن مەملەكەتتىك ورگاندارعا جانە بىزبەن بىرگە بولعان ءاربىر تۇتىنۋشىعا العىس ايتامىز», دەدى ميحايل لومتادزە.
ەندى مەرزىمى وتكەن جۇرگىزۋشى كۋالىگىن ونلاين اۋىستىرۋعا بولادى
جاساندى ينتەللەكت جانە تسيفرلىق دامۋ ۆيتسە-ءمينيسترى روستيسلاۆ كونياشكين اتالعان سەرۆيستى ىسكە قوسۋ –تانىمال قىزمەتتەردى ونلاين فورماتقا كوشىرۋ جانە مەملەكەتتىك سەرۆيستەردى ازاماتتار ءۇشىن بارىنشا ىڭعايلى ەتۋ باعىتىنداعى جۇيەلى جۇمىستىڭ ءبىر بولىگى ەكەنىن ايتتى.
حقكو-لاردا كەزەك ازايدى: قانداي قىزمەتتەردى ونلاين الۋعا بولادى؟
«Kaspi.kz قوسىمشاسىندا تەحنيكالىق پاسپورتتى اۋىستىرۋ قىزمەتىنىڭ ىسكە قوسىلۋى – مەملەكەت پەن بيزنەستىڭ بىرلەسكەن جۇمىسى قىزمەت الۋ ۋاقىتىن قىسقارتىپ, حالىققا قىزمەت كورسەتۋ ورتالىعىنا (حقكو) بارۋ قاجەتتىلىگىن ازايتادى. ءبىزدىڭ مىندەتىمىز – سۇرانىسقا يە قىزمەتتەردىڭ باسىم بولىگىن بىرنەشە باتىرمانى باسۋ ارقىلى قولجەتىمدى ەتۋ», دەدى روستيسلاۆ كونياشكين.
جۇرگىزۋشى كۋالىگىن ونلاين اۋىستىرۋ: جاڭا قىزمەتتى قالاي راسىمدەيمىز؟
