فوتو: Exyuaviation.com
ولاردىڭ اراسىندا كىشكەنتاي بالالارى بار وتباسىلار دا بار. جولاۋشىلاردى ەلگە قايتارۋ شارالارى بارلىق قاۋىپسىزدىك تالاپتارىن ساقتاي وتىرىپ ۇيىمداستىرىلدى.
ازاماتتاردى ەلگە جەتكىزۋ جۇمىستارى مۇددەلى مەملەكەتتىك ورگاندارمەن جانە وزگە دە اۋە تاسىمالداۋشىلارمەن ۇيلەستىرىلە وتىرىپ جالعاسىپ جاتىر. قۇزىرلى مەكەمەلەر شەتەلدە جۇرگەن قازاقستاندىقتاردىڭ ەلگە ورالۋىن قامتاماسىز ەتۋ باعىتىندا كەشەندى شارالار قابىلداپ جاتىر.
تاياۋ شىعىس ەلدەرىنەن قازاقستانعا 946 وتانداسىمىز امان-ەسەن جەتكىزىلدى
اۋە كومپانياسى تاراپىنان رەيستەردىڭ تۇراقتىلىعى مەن جولاۋشىلار قاۋىپسىزدىگىنە ەرەكشە ءمان بەرىلىپ وتىر. قاجەت بولعان جاعدايدا قوسىمشا رەيستەر ۇيىمداستىرۋ مۇمكىندىگى دە قاراستىرىلادى.
ەسكە سالا كەتەيىك, يزرايل 28 اقپان, سەنبى كۇنى تاڭەرتەڭ يرانعا سوققى جاسادى. دۋباي, ابۋ-دابي جانە راس-ەل-حايمادا جۇرگەن قازاقستان ازاماتتارى رەيستەردىڭ توقتاتىلۋىنا بايلانىستى ەلگە قايتا الماي وتىر. ال «قازپوشتا» تاياۋ شىعىستاعى جاعدايدىڭ شيەلەنىسۋىنە بايلانىستى حالىقارالىق پوشتا جونەلتىلىمدەرىنە ۋاقىتشا شەكتەۋلەر قويىلعانىن مالىمدەدى.
بۇعان دەيىن تاياۋ شىعىستاعى قاقتىعىس سالدارىنان 13 رەيس توقتاتىلعانىن جازعان بولاتىنبىز. سونداي-اق تاياۋ شىعىستاعى احۋالدىڭ ۋشىعۋىنا بايلانىستى قازاقستاننىڭ شەت ەلدەردەگى مەكەمەلەرىنىڭ جەدەل بايلانىس جانە «جەدەل جەلى» نومىرلەرىنىڭ ىسكە قوسىلعانى حابارلانعان ەدى.
كەشە دۋبايدان ومان ارقىلى 467 وتانداسىمىز ەلگە جەتكىزىلدى. سونىمەن قاتار Flydubai اۋە كومپانياسى دۋباي قالاسىنان استانا جانە الماتى قالالارىنا ەكى ەۆاكۋاتسيالىق رەيستى ورىندادى. بۇگىنگە دەيىن ەلىمىزگە تاياۋ شىعىس ەلدەرىنەن 946 جولاۋشى قايتارىلعان.
