ساۋىعىپ كەتكەندەردىڭ سانى دا 2 ەسە ارتىپ, بۇگىندە كۇنىنە 400-گە جۋىقتادى. سونىمەن قاتار جەدەل جاردەم ستانتسياسىنا كەلىپ تۇسكەن شاقىرۋ تاۋلىگىنە 2800-دەن 1600-گە دەيىن ازايدى. سونداي-اق پنەۆمونياسى بار ناۋقاستار 14% ازايدى.
قابىلدانعان كارانتين شارالارى مەن امبۋلاتورلىق ەمدەۋ ناتيجەسى ارقاسىندا توسەك-ورىن قاجەتتىلىگى 99%-دان 73%-عا دەيىن تومەندەدى. ماسەلەن, "ورتالىق تەمىرجول اۋرۋحاناسىندا" كارانتينگە دەيىن Covid-19 انىقتالعان 230 ناۋقاس بولسا, قازىر 124 ناۋقاسقا دەيىن, №1 قالالىق اۋرۋحانادا ناۋقاستار سانى 760-تان 500-گە دەيىن, №3 قالالىق اۋرۋحانادا 475-تەن 320 ناۋقاسقا دەيىن قىسقاردى. پاندەميا باستالعاننان بەرى ستاتسيونارلار سانى 3-تەن 14-كە دەيىن ارتتى. بۇل – 4 مىڭعا جۋىق توسەك-ورىن.
قالادا كوروناۆيرۋس جۇقتىرعان 6899 ناۋقاس تىركەلىپ, ونىڭ جارتىسىنان كوبى ياعني, 4321 ناۋقاس ەمدەلىپ شىقتى. قالا اكىمدىگىمەن ءدارى-دارمەك, مەديتسينالىق قۇرال-جابدىقتار, جەكە قورعانىس قۇرالدارى, ت. ب. ساتىپ الۋ بويىنشا تۇراقتى جۇمىستار جۇرگىزىلۋدە.
"قاتاڭ كارانتين شارالارىن بۇزباۋ قانشاما ادامنىڭ ءومىرىن ساقتاپ قالۋعا بولاتىنىن كورسەتەدى. تەك سانيتاريا نورمالارىن ساقتاعان كەزدە (ماسكا تاعۋ, الەۋمەتتىك قاشىقتىق ساقتاۋ جانە ادام كوپ جينالاتىن جەرلەرگە بارماۋ) كوروناۆيرۋس ينفەكتسياسىنىڭ تارالۋ قاۋپىن ەداۋىر تومەندەتۋگە بولادى. ءبىزدىڭ پارىزىمىز – ادام ءومىرىن قۇتقارۋ. بىراق جاقىندارىڭىز بەن تۋىستارىڭىزدىڭ دەنساۋلىعى وزدەرىڭىزگە دە بايلانىستى. ءار ادام كۇن سايىن قاۋىرسىزدىك شاراسىن قاتاڭ ساقتاپ, جاۋاپكەرشىلىك تانىتۋى كەرەك. سوندا عانا ءبىز ۆيرۋستى جىلدام جەڭە الامىز", دەپ اتاپ ءوتتى قالالىق قوعامدىق دەنساۋلىق ساقتاۋ باسقارماسى.
