قازاقستان • 14 شىلدە, 2020

اتىراۋدا جولاۋشىلار پويىزىنىڭ جول ءجۇرۋى ۋاقىتشا توقتاتىلدى

270 رەت

كورسەتىلدى

1 مين

وقۋ ءۇشىن

مەملەكەتتىك كوميسسياسىنىڭ 2020 جىلعى 2 شىلدەدەگى شەشىمىنە جانە مەملەكەتتىك باس سانيتارلىق دارىگەردىڭ 2020 جىلعى 3 شىلدەدەگى №44 قاۋلىسىنا سايكەس, يندۋستريا جانە ينفراقۇرىلىمدىق دامۋ مينيسترلىگىنىڭ حاتى نەگىزىندە وسى شەشىمنىڭ كۇشى جويىلعانعا دەيىن "اتىراۋ – نۇر-سۇلتان-نۇرلى جول" باعىتىنداعى №47/48 جولاۋشىلار پويىزى اتىراۋدان 2020 جىلدىڭ 13 شىلدەدەن باستاپ, نۇر-سۇلتان-نۇرلى جولدان 2020 جىلدىڭ 15 شىلدەدەن باستاپ, اتىراۋعا 2020 جىلعى 17 شىلدەدەن باستاپ جول ءجۇرۋى ۋاقىتشا توقتاتىلادى, دەپ حابارلايدى Egemen.kz

ايىم ءداۋىت

اتىراۋدا جولاۋشىلار پويىزىنىڭ جول ءجۇرۋى ۋاقىتشا توقتاتىلدى

اتالعان پويىزعا بۇرىن جول ءجۇرۋ قۇجاتتارىن (بيلەتتەرىن) رەسىمدەگەن جولاۋشىلار جول ءجۇرۋ قۇجاتتارىن قايتارۋدى رەسىمدەي الادى جانە اقشالاي قاراجاتتى ۇستاپ قالۋسىز تولىق كولەمدە الا الادى.

بيلەتتەر ءۇشىن تولەمدەردى قايتارۋ بيلەتتى قايتارۋ ءتارتىبى مەن ساتىپ الۋ تاسىلىنە بايلانىستى قولما-قول جانە قولما-قول اقشاسىز ەسەپ ايىرىسۋ ارقىلى جۇرگىزىلەدى.

جولاۋشىلار پويىزدارىنىڭ قوزعالىس كەستەسى بويىنشا بارلىق انىقتامالىق اقپاراتتى "105" ءنومىرى بويىنشا بىلۋگە بولادى.

ۇلتتىق تاسىمالداۋشى جولاۋشىلاردان قابىلدانعان شارالارعا تۇسىنىستىكپەن قاراۋدى جانە كوروناۆيرۋستىق پاندەميانىڭ تارالۋى كەزەڭىندە سانيتارلىق-ەپيدەميولوگيالىق تالاپتاردى ساقتاۋدى سۇرايدى.