وسىدان اپتا بۇرىن ءبىر كۇندە تۇرعىنداردان 2142 قوڭىراۋ كەلىپ تۇسەتىن بولسا, قازىر بۇل سان 1839-دى قۇراپ وتىر. جاز باستالعالى قالا حالقىنىڭ جرۆي جانە پنەۆمونيامەن كوپ اۋىرعاندىعى بايقالعان. قالادا جالپى ەپيدەميولوگيالىق احۋال قالىپقا تۇسە باستادى دەيدى اكىمدىكتەگىلەر. شاھار اۋماعىندا بارلىق 24 اۋرۋحاناعا ءبىر كۇندە 1200 وتتەكتى باللون قاجەت. وسىعان قاراي قازىرگى تاڭدا شىمكەنت قالاسىندا وتتەگى وندىرەتىن 5 مەكەمەمەن كەلىسىمشارت جاسالىپ, باللوندار اۋرۋحانالارعا تۇراقتى تۇردە جەتكىزىلۋدە. ال ءدارى-دارمەك بويىنشا رەسەي, ۋكراينا, تۇركيا, وزبەكستان تاعى باسقا ەلدەردىڭ كومپانيالارىمەن كەلىسۋ ارقىلى ءدارى-دارمەكتەر قالاعا جەتكىزىلىپ جاتىر. ال دəرىلەردىڭ باعاسىن تۇراقتاندىرۋ ءۇشىن قۇرىلعان 4 مونيتورينگتىك توپ بۇگىنگە دەيىن 50 زاڭبۇزۋشىلىق فاكتىسىن انىقتاعان. سونىمەن قاتار كەلەسى اپتادا رەسەيدەن تاجىريبە الماسۋ ءۇشىن ءارى كومەك بەرۋ ءۇشىن 5 مامان, تۇركيا ەلىنەن 10 مامان كەلەدى دەپ كۇتىلۋدە.
"العاشقى كەزەكتە قالادا ينفەكتسيالىق اۋرۋحانالار سانىن كوبەيتتىك. بۇرىن 490 توسەك ورىن بولاتىن بولسا, وعان قوسىمشا 160 توسەك ورىن اشىلىپ, 650-گە ۇلعايتتىق. ودان كەيىن ەكىنشى پروۆيزورلىق ستاتسيونارلار وندا 1320 توسەك ورىن بولاتىن بولسا, قازىرگى كەزدە 3210 توسەك ورىنىنا دەيىن كوبەيتتىك",-دەيدى قالا اكىمىنىڭ ءبىرىنشى ورىنباسارى ەربول سادىر.
