سپورت • 14 شىلدە، 2020

كىم قانشا تابىس تاپتى؟

36 رەت كورسەتىلدى

وتكەن جەكسەنبى كۇنى ءابۋ-دابي ء(باا) قالاسىنداعى «جاۋىنگەرلەر ارالىندا» ارالاس جەكپە-جەكتەن UFC 251 ءتۋرنيرى ۇيىمداستىرىلعانى بەلگىلى.

كۇنى كەشە جارىستا قاي سپورتشىنىڭ قانشا تابىس تاپقانى جاريا ەتىلدى. Express.co.uk باسىلىمىنىڭ مالىمەتى بويىنشا، اتالعان كەشتە دەبيۋت جەكپە-جەگىن وتكىزىپ، جەڭىلىسكە ۇشىراعان وتانداسىمىز جالعاس جۇماعۇلوۆ 12 مىڭ دوللار تابىس تاپقان. قارسىلاسى دا ءدال سونداي گونورار العان. بىراق برازيليالىق سپورتشىنىڭ سالماعى شەكتى مەجەدەن اسىپ كەتكەنى ءۇشىن تابىسىنىڭ 20 پايىزىن جالعاسقا بەرەدى. وسىلايشا وتانداسىمىز ءبىر كەشتە 14 400 دوللار، ال قارسىلاسى پايۆا – 9 600 دوللار تابىس تاپتى.

سونداي-اق وسى كەشتىڭ باستى باسەكەسىندە تورەشىلەردىڭ شەشىمى بويىنشا جەڭىسكە جەتكەن كامارۋ ۋسمان 500 مىڭ دوللار السا، وعان ەسە جىبەرگەن حورحە ءماسۆيدالدىڭ گونورارى 350 مىڭدى قۇرادى. بۇل رەتتە وكتاگونعا شىققان جىگىتتەردىڭ اتاق-داڭقى مەن بۇرىنعى جەتىستىكتەرى دە ەسكەرىلدى. تاعى ءبىر نەگىزگى كەزدەسۋدە ونەر كورسەتكەن الەكس ۆولكانوۆسكي 250 مىڭدى يەلەنسە، ماكس حوللوۋەي 300 مىڭدى ەنشىلەدى. داڭقتى جوزە الدونى ۇپاي سانىمەن ۇتقان پەتر يان نەبارى 70 مىڭ دوللار السا، الدو 300 مىڭ دوللاردى قالتاعا باستى.

 

سوڭعى جاڭالىقتار

ۇقساس جاڭالىقتار