الەم • 13 شىلدە، 2020

پولشادا اندجەي دۋدا پرەزيدەنت سايلاۋىندا جەڭىسكە جەتتى

26 رەت كورسەتىلدى

پولشانىڭ قازىرگى پرەزيدەنتى اندجەي دۋدا ەلدەگى پرەزيدەنت سايلاۋىنىڭ ەكىنشى تۋرىنجا جەڭىسكە جەتتى، - دەپ حابارلايدى Egemen.kz.

مەملەكەتتىك سايلاۋ كوميسسياسى 100 پايىز بيۋللەتەندى ساناپ، دۋدانىڭ 51 پايىز داۋىسپەن جەڭىسكە جەتكەنىن مالىمدەدى. ونىڭ قارسىلاسى ۆارشاۆا اكىمى رافال تشاسكوۆسكيگە داۋىس بەرۋشىلەردىڭ 49 پايىزى داۋىس بەرگەن.

بۇل – پولشادا كوممۋنيستىك رەجيم قۇلاعالى، ياعني 1989 جىلدان بەرگى پرەزيدەنت سايلاۋىنداعى ەڭ از داۋىس ايىرماشىلىعى.

دۋدا – كونسەرۆاتورلار وكىلى. ونىڭ سايلاۋالدى كامپانياسى ۇلتتىق قۇندىلىقتاردى قورعاۋعا قۇرىلعان. قازىرگى پرەزيدەنت ابورت پەن لگبت يدەولوگياسىن سىنايدى.

تشاسكوۆسكي – ليبەرالدى قۇندىلىقتاردى جاقتاۋشى. ول لگبت وكىلدەرىن قۋدالاۋعا قارسى.

پولشاداعى سايلاۋ ەكى تۋرعا ۇلاستى. 28 ماۋسىمداعى ءبىرىنشى تۋردا دۋدا 46،5 پايىز، ال تشاسكوۆسكي 30،5 پايىز داۋىس العان.

اندجەي دۋدا 2015 جىلدىڭ تامىزىنان بەرى پرەزيدەنت بولىپ وتىر. 2015 جىلعى سايلاۋدا ول پولشانىڭ سول كەزدەگى باسشىسى برونيسلاۆ كوماروۆسكيدى جەڭگەن.

سوڭعى جاڭالىقتار

ۇقساس جاڭالىقتار