ايماقتار • 11 شىلدە، 2020

اتىراۋدا كوروناۆيرۋستى جۇقتىرۋدىڭ جوعارى كورسەتكىشى تىركەلدى

1256 رەت كورسەتىلدى

قر پرەمەر-ءمينيستردىڭ ورىنباسارى ەرالى توعجانوۆتىڭ ءمالىم ەتۋىنشە، اتىراۋ وبلىسىندا  كوروناۆيرۋس ينفەكتسياسىن جۇقتىرۋ دەرەگى رەسپۋبليكاداعى ەڭ جوعارى كورسەتكىش بولىپ وتىر، - دەپ حابارلايدى Egemen.kz

"سوڭعى تاۋلىكتە اتىراۋ وبلىسىندا كوروناۆيرۋس ينفەكتسياسىن جۇقتىرۋدىڭ 336 جاعدايى تىركەلىپ، ناۋقاستاردىڭ جالپى سانى 7150 ادامعا جەتتى. ىندەتتىڭ نەگىزگى وشاقتارى – اتىراۋ قالاسى  مەن جىلىوي اۋدانى. وسى ەكى جەردە قاۋىپتى  ىندەتكە شالدىققاندار  بارلىق ناۋقاستىڭ 85 پايىزىن قۇراپ وتىر. ال، پنەۆمونيانىڭ 2174 جاعدايى تىركەلگەن. سوڭعى ەكى ايدا جەدەل مەديتسينالىق جاردەمدى شاقىرۋ 2 ەسەگە وسكەن. مۇنىڭ ءبارى شۇعىل شارالار قابىلداۋدى قاجەت ەتەدى" -دەدى ەرالى توعجانوۆ.

ونىڭ ايتۋىنشا، اتىراۋداعى ەپيدەميولوگيالىق احۋالدى تۇراقتاندىرۋعا بايلانىستى قولعا الىناتىن شارالار جان-جاقتى تالقىلاندى.  

"بىرىنشىدەن، اتىراۋدان الماتىعا، اقتوبە مەن ماڭعىستاۋعا تەمىر جول قاتىناسى  توقتاتىلادى. ەكىنشىدەن، مەيرامحانالار مەن ءدامحانالار، اسحانالار مەن قوعامدىق تاماقتانۋ ورىندارى، ازىق-ت ۇلىك ەمەس دۇكەندەر ۇيگە جەتكىزۋ رەجيمىمەن جۇمىس ىستەيدى. ۇشىنشىدەن، پوليتسيا دەپارتامەنتى جانە وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى وتباسىلىق شارالاردى وتكىزۋگە سالىنعان  تىيىمنىڭ ساقتالۋىن قاداعالاپ، ونى بۇزعانداردى انىقتاۋدى قامتاماسىز ەتەدى. تورتىنشىدەن،  ەنەرگەتيكا مينيسترلىگى جەرگىلىكتى اتقارۋشى ورگاندارمەن بىرگە ۆاحتالىق جۇمىسقا كەلەتىندەردى ءۇش كۇن بۇرىن تۇرعىلىقتى مەكەنجايىندا پتر-تەستتەن وتكىزۋدى قامتاماسىز ەتۋى ءتيىس. بۇل تاپسىرمانىڭ ورىندالۋىنا جۇمىس بەرۋشىلەر جاۋاپتى بولادى.

بەسىنشىدەن، اتىراۋ وبلىسى اكىمدىگىنە ءدارىحانالاردى ءبىرىنشى قاجەتتىلىكتەگى دارىلەرمەن قامتاماسىز ەتۋى، 20 شىلدەگە دەيىن ينفەكتسيوندىق ورىندارداعى كەرەۋەت سانىن 350-گە دەيىن جەتكىزۋى، ءموبيلدى توپتاردىڭ سانىن 120-عا دەيىن كوبەيتۋى، كيسلورودتىق ستانسالار سانىن ۇلعايتۋى قاجەت. وڭىردەگى، سونىڭ ىشىندە جىلىوي اۋدانىنداعى كارانتيندىك شەكتەۋ  شارالارىنىڭ ساقتالۋىن  باقىلاۋعا الۋى كەرەك. كوروتاكسي قىزمەتىن ۇيىمداستىرىپ، جەكە كلينيكالاردى ناۋقاستاردى ەمدەۋ ىسىنە تارتۋى قاجەت" -دەدى ەرالى توعجانوۆ.

سونداي-اق،  دەنساۋلىق ساقتاۋ مينيسترلىگىنە ارنايى تاپسىرمالار جۇكتەلىپ وتىر. ونىڭ ىشىندە اتىراۋ وبلىسىن مەديتسينا كادرلارىمەن قامتاماسىز ەتۋ  بار.  

 

سوڭعى جاڭالىقتار

ۇقساس جاڭالىقتار