ايماقتار • 11 شىلدە، 2020

اتىراۋدا جازعى ءدامحانا ورتەندى

335 رەت كورسەتىلدى

كەشە وبلىس ورتالىعىنداعى جازعى ءدامحانا ورتەنىپ، ەكى ادام زارداپ شەكتى، - دەپ حابارلايدى Egemen.kz.

وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ اقپاراتىنا قاراعاندا، "شاشلىچوك" دامحاناسىنداعى ءورت 10 شىلدەدە ساعات 17:01-دە تۇتانىپتى.

"جاربوسىنوۆ كوشەسىنىڭ №83 مەكەنجايىندا ورنالاسقان جازعى ءدامحانانىڭ جالپى اۋدانى 120 شارشى مەتردى قۇرايدى. ءورتتىڭ سالدارىنان جازعى ءدامحانا تولىقتاي جانىپ كەتتى. ءدامحانا اۋلاسىنداعى  144 شارشى مەترلىك ءۇيدىڭ كىرەبەرىس بولمەسىنىڭ ەسىگى مەن تەرەزەسىنىڭ سىرتقى قاپتاماسى،  1992 جىلى شىققان زيل-ممز-4502 ماركالى اۆتوكولىگى جاندى. سونداي-اق، تاعى ءبىر ءۇي مەن 40 شارشى مەترلىك گاراجدىڭ توبە جابىندىسى ءب ۇلىندى" -دەپ حابارلادى دەپارتامەنتتىڭ ءباسپاسوز قىزمەتى.

ءتىلسىز جاۋدان  1953 جىلى تۋعان ازاماتشانىڭ ەكى اياعى مەن يىعىن كۇيىك شالدى.  ول 15-20 پايىزدىق كۇيىكپەن اۋرۋحانانىڭ نەيروحيرۋرگيا بولىمىنە جاتقىزىلدى. ال،  ەكى قولى كۇيگەن 1997 جىلعى ازامات  دارىگەرلىك كومەك كورسەتىلگەننەن كەيىن  ۇيىنە جىبەرىلگەن.

ءورتتى سوندىرۋگە ارناۋلى قىزمەتتىڭ 25 قىزمەتكەرى مەن 5 تەحنيكاسى ءورتتى جۇمىلدىرىلىپ، جالىن ساعات 18:40-تا تولىقتاي ءسوندىرىلدى.

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار