ايماقتار • 10 شىلدە، 2020

ءوز تانىسىن توناپ كەتكەن ۇرى ۇستالدى

27 رەت كورسەتىلدى

تۇركىستان وبلىسىنىڭ پوليتسەيلەرى تۇرعىننىڭ قۇرىلىسقا قاجەتتى قۇرالدارىن ۇرلاعان كۇدىكتىنى ۇستادى، – دەپ حابارلايدى Egemen.kz. 

تۇلكىباس اپب–نە جەرگىلىكتى تۇرعىن ارىزدانىپ، تۇنگى ۋاقىتتا جازدىق ۇيىندە تۇرعان بىرنەشە قۇرىلىسقا قاجەتتى قۇرال-جابدىقتارىن (درەل، بولگاركا، سۆاركا اپپاراتى، بەنزوپيلا) بەلگىسىز بىرەۋدىڭ ۇرلاپ كەتكەنىن جەتكىزدى. اتالعان جايت قر قك-ءنىڭ 188-بابىمەن تىركەلدى. جابىرلەنۋشىگە كەلتىرىلگەن شىعىن كولەمى 200 000 تەڭگەنى قۇرادى. 

اۋداندىق پوليتسەيلەر قىلمىستى اشىپ، كۇدىكتىنى ۇستاۋ ماقساتىندا تەز ارادا ارەكەت ەتتى. تاجىريبەلى پوليتسيا قىزمەتكەرلەرى بىرقاتار جەدەل ءىس-شارا جۇرگىزۋ بارىسىندا كۇدىكتىنىڭ جەكە-باسى انىقتالدى. 

پوليتسەيلەر قىلمىستىڭ ءىزىن-سۋىتپاي ءبىر تاۋلىك ىشىندە اشىپ، كۇدىكتىنى ۇستادى. ول جابىرلەنۋشىنىڭ تانىسى بولىپ شىقتى. وسىلايشا بۇرىن سوتتى بولعان، شىمكەنت قالاسىنىڭ تۇرعىنى تۇلكىباس اپب-نە جەتكىزىلدى. 

تەرگەۋ بارىسىندا انىقتالعانداي، كۇدىكتى قۇرىلىس جابدىقتارىن ۇرلاعان سوڭ، ونىڭ جارتى بولىگىن 30 000 تەڭگەگە ساتىپ جىبەرگەن. باس شاراسى قولحاتپەن بوساتىلدى. قازىرگى تاڭدا “ۇرلىق” بابىمەن سوتقا دەيىنگى ترگەۋ امالدارى جۇرگىزىلىپ جاتىر. 

 

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار