ايماقتار • 10 شىلدە، 2020

ۇستازداردان زاڭسىز اقشا جينالماۋ كەرەك

80 رەت كورسەتىلدى

جازعى دەمالىستىڭ باستالۋىمەن شقو سىبايلاس جەمقورلىققا قارسى قىزمەتىنە مەكتەپ وقۋشىلارىنىڭ اتا-انالارىنان، سونداي-اق پەداگوگتاردان مەكتەپتى جوندەۋ جۇمىستارىنا زاڭسىز اقشا جينالىپ جاتقاندىعى تۋرالى شاعىمدار كەلىپ تۇسۋدە. قۇرىلىس ماتەريالدارىن ءوز قاراجاتىنا ساتىپ الۋمەن قوسا مۇعالىمدەر جوندەۋ جۇمىستارىن وزدەرى جۇرگىزۋى كەرەك دەگەن تاپسىرما تۇسكەن، - دەپ حابارلايدى Egemen.kz.

 

وسىعان بايلانىستى، شىعىس قازاقستان وبلىسىنىڭ سىبايلاس جەمقورلىققا قارسى قىزمەتى مۇعالىمدەردەن زاڭسىز اقشا جيناي وتىرىپ، ولاردى كاسىبي مىندەتتەرىنە بايلانىستى ەمەس جۇمىس تۇرلەرىنە تارتۋ - زاڭ تالاپتارىنا قايشى ەكەنىن ەسكەرتەدى. 

"ولارعا تاۋارلار مەن قىزمەتتەردى ساتىپ الۋ بويىنشا مىندەتتەر جۇكتەي وتىرىپ، مەكتەپ ديرەكتورلارى قر "پەداگوگ مارتەبەسى تۋرالى" زاڭىنىڭ جانە قر ء"بىلىم تۋرالى"  زاڭىنىڭ تالاپتارىن بۇزاتىنىن ەسكەرتەمىز"، - دەيدى  ولار. 

وسىعان بايلانىستى، اقشا قاراجاتى ماجبۇرلەپ جينالعان نەمەسە مەكتەپ اكىمشىلىگى تاراپىنان قىسىم جاسالعان جاعدايدا، شقو سىبايلاس جەمقورلىققا قارسى قىزمەتى اتا-انالاردى، پەداگوگتاردى قر سىبايلاس جەمقورلىققا قارسى كۇرەس اگەنتتىگىنىڭ Call-ورتالىعىنا 1424 ءنومىرى بويىنشا حابارلاسۋعا شاقىرادى.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار