38 جاستاعى برەندون بوچەنسكي اقش-تىڭ ميننەسوتا شتاتىنداعى بلەين قالاسىندا 1982 جىلى دۇنيەگە كەلگەن. سول جەردە شايبالى حوككەي ونەرىنىڭ قىر-سىرىنا قانىعىپ, سپورتتىق كارەراسىن جەرگىلىكتى «بلەين بەنگالس» كلۋبىنان باستاعان. كەيىننەن كانادانىڭ «وتتاۆا سەناتورز» كومانداسىندا ونەر كورسەتىپ, ءبىر جىلدان سوڭ ەلىنە ورالدى. ال 2010 جىلى قازاقستانعا قونىس اۋدارىپ, تابانى كۇرەكتەي 10 جىل «بارىسپەن» تابىستى ناتيجە كورسەتۋ ءۇشىن بارىن سالدى. استاناعا كەلە سالىپ بوچەنسكي «بارىستىڭ» ۇزدىك سۇرمەرگەنى اتانىپ, جانكۇيەرلەردىڭ سۇيىكتى ويىنشىسىنا اينالدى. ەلوردا كومانداسىمەن بىرگە ول قحل-ءدىڭ چەرنىشەۆ ديۆيزيونىندا توپ جارىپ, گاگارين كۋبوگى جولىنداعى جارىستىڭ ەكىنشى پلەي-وفف كەزەڭىنە دەيىن جەتتى.
بوچەنسكي 2015 جىلى قازاقستان ازاماتتىعىن قابىلداپ, ۇلتتىق قۇرامامەن بىرگە الەم چەمپيوناتى مەن وليمپيا ويىندارىنا ىرىكتەۋ ماتچتارىنا قاتىسىپ, تالاي بەلەستى باعىندىردى. 2019 جىلى كارەراسىن اياقتاپ, سپورتپەن قوش ايتىسقانىن مالىمدەدى. سول جىلدىڭ جەلتوقسان ايىندا «بارىس» ءوزىنىڭ ۇزدىك سۇرمەرگەنىنە لايىقتى قۇرمەت كورسەتىپ, جەيدەسىن «بارىس ارەنانىڭ» تورىنە ءىلدى.
