"مەملەكەت جاعدايدى تۇراقتاندىرۋ ءۇشىن بارلىق شارانى قابىلداپ جاتىر. العاشقى مەديتسينالىق كومەك قىزمەتتەرى كۇشەيتىلۋدە. ۇيدە حالىققا كەشەندى مەديتسينالىق قىزمەتتەردى كورسەتۋ ءۇشىن 400 امبەباپ ءموبيلدى بريگادا قۇرىلدى. شىلدە ايىنىڭ سوڭىنا دەيىن ولاردىڭ سانى 3,5 مىڭعا دەيىن جەتكىزىلەدى", - دەدى قاسىم-جومارت توقاەۆ.
سونداي-اق مەملەكەت باسشىسى ناۋقاستارعا ارنالعان توسەك-ورىن سانىنىڭ كوبەيگەنىن ايتتى.
"مەن نۇسقاۋ بەرگەن ساتتەن باستاپ كوروناۆيرۋسپەن اۋىراتىن ناۋقاستارعا ارنالعان توسەك-ورىن سانى 70%-عا ارتىپ, 43 مىڭعا دەيىن جەتكىزىلدى. بۇل جۇمىسقا اسكەري دارىگەرلەرلەر دە بەلسەندى ارالاسىپ جاتىر. قارۋلى كۇشتەردىڭ رەسۋرستارىنىڭ ارقاسىندا 500-دەن استام توسەك ورنالاستىرىلدى. ەرەكشە تارالۋ وشاقتارى ورنىندا دالالىق اۋرۋحانالار جاساقتالۋدا", دەدى پرەزيدەنت.
