ء"بىزدىڭ مەملەكەتتىك كوميسسيا ماۋسىمدا بيزنەستى قولداۋ جوسپارىن قابىلدادى. ونىڭ ىشىندە بيزنەس نەسيەلەرى بويىنشا كەيىنگە قالدىرۋ ءتارتىبى بولدى. ارنايى ءتارتىپتى قارجى نارىعىن رەتتەۋ اگەنتتىگى 15 ماۋسىمدا قابىلدادى. قارىزدار 90 كۇننەن كەم ەمەس كەزەڭگە قايتا قۇرىلىمداۋ جانە كەيىنگە قالدىرۋ ءۇشىن بانكتەر مەن ميكروكرەديتتىك ۇيىمدارعا جەكە تارتىپپەن جۇگىنۋگە بولادى", - دەدى ۆيتسە-مينيستر ونلاين-بريفينگتە.
ءمادي تاكيەۆ ارنايى كوميسسيا وتىرىسىندا بيزنەستى قولداۋ شاراسى قارالعانىن اتاپ ءوتتى. ايتۋىنشا, نەسيەنى 90 كۇنگە دەيىن كەيىنگە شەگەرۋگە بولادى. ول ءۇشىن ءار ادام بانككە نە قارجىلىق ۇيىمدارعا جۇگىنۋى كەرەك.
