ەستەرىڭىزگە سالار بولساق, ءدال بۇگىنگى جاعداي بويىنشا قالادا كوروناۆيرۋس جۇقتىرعان 3 596 ازامات تىركەلىپ, 2097 ناۋقاس ەمدەلىپ شىقتى.
"اعىمداعى جىلدىڭ 1 ماۋسىمىندا 867 كوروناۆيرۋس جۇقتىرعان ازامات تىركەلسە, اعىمداعى جىلدىڭ 1-ءشى ماۋسىمىنان 7-ءشى شىلدە ارالىعىندا 2729 جاعداي تىركەلدى.
ياعني, ناۋقاستار سانى كۇرت ارتتى", دەدى مۇرات ايتەنوۆ.
جىلدىڭ ءبىرىنشى ماۋسىمىندا جۇقپالى اۋرۋحانالاردا توسەك ورىن قورى 490 بولعان. ال, ماۋسىم ايىنىڭ سوڭىنا دەيىن قوسىمشا 160 توسەك ورىن ۇيىمداستىرىلىپ, ناتيجەسىندە توسەك ورىن قورى 650-گە جەتتى. وندا 1 ماۋسىم مەن 7 شىلدە ارالىعىندا 1640 ناۋقاس جاتقىزىلدى. ونىڭ ىشىندە 1276 كوروناۆيرۋس جۇقتىرعاندار.
شىمكەنتتە ەلىمىزدە العاش بولىپ پنەۆمونيا مەن جرۆي اۋىرعاندارعا 633 توسەك-ورىن ۇيىمداستىرىلدى. بۇل جونىندە ءباسپاسوز ءماسليحاتىندا شىمكەنت قالاسىنىڭ اكىمى مۇرات ايتەنوۆ مالىمدەدى.
شىمكەنت قالاسىندا رەسپۋبليكادا العاشقىلاردىڭ ءبىرى بولىپ, اعىمداعى جىلدىڭ 25-ءشى ماۋسىمىندا 51 ەمحانالاردا جرۆي-مەن پنەۆمونيامەن اۋىرعان ناۋقاستارعا 633 توسەك ورىن ۇيىمداستىرىلدى.
ونىڭ ىشىندە 319-ى مەملەكەتتىك ءبىرىنشى مەديكو-سانيتارلىق كومەك ۇيىمدارىندا, 314-ءى جەكە ۇيىمداردا اشىلدى. كۇنىنە ورتا ەسەپپەن 2000 ناۋقاس قامتىلۋدا. بۇگىنگى كۇنى 2753 ناۋقاس ەمدەلىپ شىققان.
250 "بوبروۆ" تىنىس الۋ اپپاراتى مەن 10 مونيتور...
قالا اكىمىنىڭ ايتۋىنشا شاھارداعى مەديتسينالىق قاجەتتى تەحنيكالار قورى جەتكىلىكتى. وسىعان وراي اۋرۋحانالاردى ماتەريالدىق قۇرال-جابدىقتارمەن قامتۋ ءىسى دە قولعا الىندى. اسا قاجەت دەگەن قۇرالدار كەزەڭ-كەزەڭ كەزەڭىمەن جەتكىزىلۋدە.
«قالادا مەديتسينالىق مەكەمەلەردە 323 يۆل اپپاراتتارى بار, ونىڭ 130 ءپورتاتيۆتى اپپارات. سونىمەن قاتار, 250 «بوبروۆ» تىنىس الۋ اپپاراتتارى جانە 10 مونيتور الىندى», دەدى ءباسپاسوز ءماسليحاتىندا قالا اكىمى مۇرات ايتەنوۆ.
قازىرگى تاڭدا 6 اۋرۋحانادا ارنايى كيسلورود ستانتسيالارى ورناتىلۋدا.
قالالىق اكىمدىكتىڭ رەزەرۆىنەن كوروناۆيرسقا قارسى شارالارعا 1,8 ملرد. تەڭگە ءبولىندى. ونىڭ 854 ملن.تەڭگەسى ماتەريالدىق-تەحنيكالىق بازانى كۇشەيتۋگە باعىتتالعان.
21 يۆل اپپاراتتارى الىنىپ, جاقىن ارادا قويىلاتىن بولادى. ودان بولەك, قالالىق بيۋدجەتتى وڭتايلاندىرۋ جۇمىستارى جۇرگىزىلۋدە, قوسىمشا يۆل, باسقا دا قۇرال-جابدىقتار, ءدارى-دارمەكتەر ساتىپ الۋعا 5 ملرد.تەڭگە قارجى باعىتتاۋ جوسپارلاندى.
سونىمەن قاتار مەديتسينا سالاسىنىڭ قىزمەتكەرلەرىن قولداۋ شارالارى مەديتسينا قىزمەتكەرلەرىنىڭ كۆي-مەن اۋىرعان 569 جاعدايى تىركەلگەن. ونىڭ 129-ى تۇركىستان وبلىسىنىڭ مەديتسينا قىزمەتكەرلەرى (دارىگەر 143, مەدبيكە 258, باسقا پەرسونال 128). جالپى جاعدايدان ۇلەسى 15,8 پايىز.
مەديتسينا قىزمەتكەرلەرىن قولداۋ ماقساتىندا 2 764 مەديتسينا قىزمەتكەرلەرىنە 780 ملن.تەڭگە ەڭبەك اقىلارىنا ۇستەمەاقى تولەندى.
سونىمەن بىرگە, حالىق قورى جانە دەمەۋشىلەردىڭ ەسەبىنەن 935 مەديتسنا قىزمەتكەرلەرىنە 42,4 ملن.تەڭگەگە ماتەريالدىق كومەك كورسەتىلدى.
336 ناۋقاستارمەن تىعىز بايلانىستا جۇقپالى اۋرۋحانالار مەديتسينا قىزمەتكەرلەرىن قوناق ۇيلەردە تۇرۋ, تاماق بەرۋ, جۇمىسقا قاتىناۋى ۇيىمداستىرىلدى.
مۇرات ايتەنوۆ ەپيدەميولوگيالىق جاعدايعا بايلانىستى اعىمداعى جىلدىڭ 1-ءشى شىلدەسىنەن باستاپ, 20-شى شىلدەسىنە دەيىن قالادا قايتادان كارانتين شارالارى ەنگىزىلگەنىن اتاپ ءوتتى.
بارشا شىمكەنتتىكتەردى بۇل شەكتەۋ شارالارىنا تۇسىنىستىكپەن قاراپ, وسىنداي قيىن كەزەڭدە دۇربەلەڭگە سالىنباي, ساقتىق شارالارىن قاتاڭ ۇستانۋعا شاقىردى.
زاڭسىز ءدارى-دارمەك ساقتاعاندار جاۋاپكا تارتىلادى
بۇگىندە قالادا 10 ءىرى كوتەرمە ءدارى-دارمەك جانە مەديتسينالىق قۇرال-جابدىق جەتكىزىپ بەرۋشى مەكەمەلەر جۇمىس ىستەۋدە. بۇل تۋرالى اتالعان بريفينگتە مۇرات ايتەنوۆ ايتىپ ءوتتى.
"تىركەلگەن 730 ءدارىحانانىڭ 560 جۇمىس ىستەيدى. بۇگىنگى كۇنى قالادا ءبىر ايلىق ءدارى-دارمەك قورى بار, ونىڭ ىشىندە دەنە قىزۋىن تومەندەتەتىن 115 843 پرەپارات 136 352 ۆيرۋسقا قارسى پرەپاراتتار 133 040 انتيبيوتيكتەر. 44 253 قوراپ «س ۆيتاميندەرى» بار. شىمكەنت قالاسىنىڭ تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتتىڭ اۋداندىق باسقارمالارىمەن بىرلەسىپ, 4 مونيتورينگتىك توپ قۇرىلىلعان. مونيتورينگ بارىسىندا باعاسىن نەگىزسىز وسىرگەن جاعدايدا اكىمشىلىك شارالارى كورسەتىلەتىنى ەسكەرتىلدى. ءدارىحانادا جوق دارىلەردىڭ ورنىنا بالامالارىن ۇسىنۋ دا ەسكەرتىلگەن", دەدى مۇرات دۇيسەنبەك ۇلى.
سونىمەن قاتار پوليتسيا دەپارتامەنتىنىڭ تاراپىنان شىمكەنت قالاسى الىمقۇلوۆ كوشەسىنەن زاڭسىز ءدارى دارمەك جانە مەديتسينالىق قۇرالدارىن ساقتاۋ جاعدايى انىقتالدى. اتالعان جاعداي بويىنشا قىلمىستىق ءىس قوزعالعان.
پنەۆمونيادان جازىلىپ شىققانداردىڭ قاتارى كوپ
وسى جىلدىڭ ماۋسىم ايىنىڭ باسىنان بەرى جرۆي-مەن (ورۆي) پنەۆمونيامەن اۋىرعاندار بويىنشا شىمكەنت قالاسىندا 3 پروۆيزورلىق ستاتسيوناردا 320 توسەك ورىن اشىلعان بولاتىن. ال, 15-30 ماۋسىم ارالىعىندا 23 پروۆيزورلىق ستاتسيوناردا 2 960 توسەك ورىن ۇيىمداستىرىلعان.
بۇگىنگى تاڭدا 26 مەملەكەتتىك جانە جەكە نىسانداردا 3010 پروۆيزورلىق توسەك ورىن جۇمىس ىستەپ تۇر.
ء"بىرنشى ماۋسىمنان باستاپ 6340 پنەۆمونيامەن سىرقاتتانۋشىلىق تىركەلدى. ونىڭ 6060 نەمەسە 95,6 پايىزى اۋرۋحانا جاتقىزىلدى. بۇگىنگى كۇنى 60 پايىزى نەمەسە 3639 ناۋقاس ەمدەلىپ شىقتى", دەيدى قازىرگى جاعدايعا توقتالعان قالا اكىمى.
ايتا كەتەرلىگى, شىمكەنتتە وسى جىلدىڭ 1 ماۋسىمىنان باستاپ جرۆي مەن سىرقاتتانۋ بويىنشا 11 891 جاعداي تىركەلگەن. ونىڭ ىشىندە 535-ى اۋرۋحاناعا جاتقىزىلىپ, 460 ناۋقاس ەمدەلىپ شىققان.
شىمكەنت
