مەديتسينا • 07 شىلدە، 2020

اتىراۋدا باس دارىگەر پالاتالاردىڭ بوس تۇرعانىن جوققا شىعاردى

395 رەت كورسەتىلدى

اتىراۋداعى №2 وبلىستىق اۋرۋحانانىڭ ينفەكتسيالىق ستاتسيونارىنان شىققان جەرگىلىكتى تۇرعىننىڭ ءبىرى ۆاديم بارتاشەۆيچ پالاتالاردى باسقا ناۋقاستارعا دايىنداۋ  ءساتىن  بەينەكامەراعا ءتۇسىرىپ، الەۋمەتتىك جەلىگە جۇكتەگەن ەكەن.

"№2 وبلىستىق اۋرۋحانادا بوس ورىندار بار. ادامدار اۋرۋحاناعا جاتىپ ەمدەلىپ، ارنايى اپپارات ارقىلى دەم الۋدى قاجەت ەتەدى. بىراق، بۇل جەردە ولارعا كومەك كورسەتەتىن مامان تاپشى"، - دەپ  جازعان ول الەۋمەتتىك جەلىدەگى پاراقشاسىندا.

ال، №2 وبلىستىق  اۋرۋحانانىڭ باس دارىگەرى ماعجان سيدجانوۆتىڭ ايتۋىنشا، ەمدەلىپ شىققان ازامات جاعدايى جاقسارىپ، امبۋلاتورلىق ەمدەۋگە اۋىستىرىلعان ەمدەلۋشىلەردىڭ پالاتاسىن ۇيالى تەلەفونىنىڭ كامەراسىنا ءتۇسىرىپ الىپتى.

"بۇل جەردە دەزينفەكتسيالىق جانە تازالىق جۇمىستارى جۇرگىزىلىپ جاتقان ەدى. قازىرگى تاڭدا اتالعان 30 پالاتاعا "كوروناۆيرۋستىق ينفەكتسيا" دياگنوزى راستالعان  ناۋقاستار جاتقىزىلۋدا. اۋرۋحانا شتاتتىق رەجيمدە جۇمىس ىستەيدى. مەديتسينالىق قىزمەتكەرلەردىڭ جەتىسپەۋشىلىگى بايقالمايدى"، - دەيدى ماعجان سيتجانوۆ.

باس دارىگەردىڭ ايتۋىنشا،  №2 وبلىستىق اۋرۋحانانىڭ جۇقپالى اۋرۋلار ستاتسيونارىندا بارلىعى 162 ادام ەم قابىلداپ جاتىر.

 

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار