ايماقتار • 07 شىلدە، 2020

اتىراۋعا باراتىن جولاۋشىلار پويىزدارى توقتاتىلادى

33 رەت كورسەتىلدى

اتىراۋعا باراتىن جولاۋشىلار پويىزدارى ۋاقىتشا توقتاتىلادى. بۇل تۋرالى "جولاۋشىلار تاسىمالى" كومپانياسىنىڭ ءباسپاسوز قىزمەتى حابارلادى، - دەپ جازادى Egemen.kz

"قازاقستان رەسپۋبليكاسى مەملەكەتتىك كوميسسياسىنىڭ 2020 جىلعى 2 شىلدەدەگى شەشىمىنە، قر مەملەكەتتىك باس سانيتارلىق دارىگەرىنىڭ 2020 جىلعى 3 شىلدەدەگى №44 قاۋلىسىنا سايكەس جانە قر يندۋستريا جانە ينفراقۇرىلىمدىق دامۋ مينيسترلىگىنىڭ حاتى نەگىزىندە 2020 جىلدىڭ 8 شىلدەسىنەن باستاپ كۇشى جويىلعانعا دەيىن اتىراۋ ستانساسى بويىنشا جولاۋشىلار پويىزدارى مەن تىكەلەي قاتىنايتىن ۆاگونداردىڭ كەلۋى مەن جونەلتىلۋى ۋاقىتشا توقتاتىلادى.

№ 41/42 "اتىراۋ-الماتى-1" اتىراۋدان جونەلتىلەتىن 09/07-20، الماتىدان-1 كەلەتىن/جونەلتىلەتىن 11/07-20، اتىراۋعا كەلەتىن 13/07-20;

- № 313/314 "اتىراۋ-ماڭعىستاۋ" اتىراۋدان جونەلتىلەتىن 08/07-20، ماڭعىستاۋدان كەلەتىن/جونەلتىلەتىن 09/07-20، اتىراۋ قالاسىنان جونەلتىلەتىن 10/07-20;

№ 692/691 "اقتوبە-اتىراۋ" پويىزى اقتوبە قالاسىنان جونەلتىلەتىن 07/07-20، اتىراۋدان كەلەتىن/جونەلتىلەتىن 08/07-20، اقتوبەگە كەلەتىن 09/07-20;

05/07-20 باستاپ الماتىدان جونەلتىلەتىن، 08/07-20 باستاپ قۇلسارىعا كەلەتىن/جونەلتىلەتىن، 11/07-20 باستاپ الماتىعا كەلەتىن №77/78 "الماتى-2 – ماڭعىستاۋ" جانە №313/314 "اتىراۋ-ماڭعىستاۋ" جولاۋشىلار پويىزدارىنىڭ قۇرامىندا تىكەلەي قاتىنايتىن "الماتى-2 - قۇلسارى" ۆاگوندارى توقتاتىلادى.

اتالعان پويىزدارعا بۇرىن جول ءجۇرۋ قۇجاتتارىن (بيلەتتەرىن) رەسىمدەگەن جولاۋشىلار جول ءجۇرۋ قۇجاتتارىن قايتارۋدى رەسىمدەي الادى جانە اقشالاي قاراجات تولىق كولەمدە قايتارىلادى. بيلەتتەر ءۇشىن تولەمدەردى قايتارۋ بيلەتتى قايتارۋ ءتارتىبى مەن ساتىپ الۋ تاسىلىنە بايلانىستى قولما-قول جانە قولما-قول اقشاسىز ەسەپ ايىرىسۋ ارقىلى جۇرگىزىلەدى. جولاۋشىلار پويىزدارىنىڭ قوزعالىس كەستەسى بويىنشا بارلىق انىقتامالىق اقپاراتتى "105" ءنومىرى بويىنشا بىلۋگە بولادى"، دەلىنگەن حابارلامادا.

 

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار