ايماقتار • 07 شىلدە، 2020

بۇگىننەن باستاپ ماڭعىستاۋ وبلىسىنىڭ ءدارىحانالارىنا دارىلىك زاتتار جەتكىزىلەدى

94 رەت كورسەتىلدى

بۇل تۋرالى مو تاۋارلار مەن كورسەتىلەتىن قىزمەتتەردىڭ ساپاسىن باقىلاۋ دەپارتامەنتى باسشىسىنىڭ ورىنباسارى رينات كۋباتاەۆ مالىمدەدى.

ماڭعىستاۋ وبلىسىندا ءتورت ءىرى فارمكومپانيانىڭ قويماسى بار. ولار دارىلىك زاتتاردى ورتالىقتاعى فيرمالاردان تاپسىرىسپەن الادى. سوڭعى كەزدەگى ءدارى جەتىسپەۋشىلىگىنە ولاردىڭ ەش كىناسى جوق. سەبەبى، ورتالىقتاعى كومپانيالاردىڭ قويماسىندا ءدارى جەتىسپەۋشىلىگى بايقالعان، دەدى ول.

6-شىلدە كۇنى "ەميتي  ينتەرنەشنل" جشس اقتاۋ قالاسىنداعى فيليالىنا، "مەدسەرۆيس پليۋس" جسش فيليالىنا جانە "ينكار-اكتاۋ" جشس، ارقايسىسىنا كولەمى 90 م/كۋب ءبىر فۋرا كولىكتەرىمەن دارىلىك زاتتار كەلدى. ەندى ولاردى قويما قىزمەتكەرلەرى قابىلداپ (ارنايى باعدارلاماعا تىركەپ)، ارى قاراي دارىحانالارعا تاراتىپ بەرەدى. بۇل پروتسەسس ءبىر كۇندىك ۋاقىتتى الادى.

ازاماتتاردىڭ دارىلىك زاتتارعا قولجەتىمدىلىگىن ارتتىرۋ ماقساتىندا كەلگەن دارىلەر ەرتەڭ (07.07.2020 جىلى) وبلىس ءدارىحانالارىنا ءبولىنىپ بەرىلەدى.

"ادا فارم-اكتاۋ" جشس كەلگەن دارىلىك زاتتاردى ءوز ءدارىحانالار جەلىسىنە تاراتۋدا. وبلىس ايماعىندا 22 ءدارىحاناسى جۇمىس ىستەيدى.

10 شىلدە كۇنى "مەدسەرۆيس پليۋس" جسش فيليالىنا تاعى ءبىر فۋرا دارىلىك زاتتار كەلەدى دەپ كۇتىلۋدە. اپتانىڭ اياعىنا دەيىن ءدارىحانالار كەرەكتى ءدارى-دارمەكتەرمەن بارىنشا قامتاماسىز ەتىلەدى، - دەدى بريفينگ سپيكەرى رينات كۋباتاەۆ.

 

ماڭعىستاۋ وبلىسى

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار