قازاقستان تارابىنىڭ ۇلكەن ۇلەسى اتالدى

ەقىۇ-نىڭ ءىس باسىنداعى توراعاسى, قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ سارسەنبىدە ەلىمىزگە رەسمي ساپارمەن كەلگەن بۇۇ باس حاتشىسى پان گي مۋنمەن كەزدەستى. بۇل كەزدەسۋ  استانادا اۋا رايىنىڭ كۇرت بۇزىلۋىنان باس حاتشىنىڭ ۇشاعى قاراعاندى قالاسىنا قونۋىنا بايلانىستى ءبىر كۇنگە كەشىكتىرىلگەنىن ايتا كەتەيىك. قانات ساۋداباەۆ 1991 جىلدىڭ 29 تامىزىندا پرەزيدەنت ن.نازار­باەۆ­تىڭ جارلىعىمەن سەمەي پو­لي­گونىنىڭ جابىلۋى يادرولىق قارۋ­سىز الەم ۇستانىمىنا جول سالعان­دى­عىن اتاپ كورسەتتى. وسى رەتتە ق.ساۋ­داباەۆ بۇۇ باس حاتشىسىنىڭ الەم حالقىن بەيبىتشى­لىك­كە شاقىرعان ۇندەۋى, “يادروسىز  بەي­بىت ومىرگە بالاما جوق” دەگەن پايى­مى ونىڭ باس حاتشى رەتىندەگى يادرو­لىق قارۋدى تاراتپاۋ جانە ونىڭ قاۋپىن سەيىلتۋ جونىندەگى نىق ۇستا­نىمىن كورسەتەتىنىن ەرەكشە اتادى. ء“سىزدىڭ بارلىق قادامدارى­ڭىز پرە­زيدەنت ن.نازارباەۆتىڭ ءىس-ارەكەت­تەرىمەن جانە ۇستانىمىمەن استاسىپ جاتقانى بىزدەر, قازاقستان­دىقتار ءۇشىن وتە جاعىمدى”, دەدى قانات بەكمىرزا ۇلى. جانە دە بۇگىنگى تاڭدا بۇۇ قازاقستاننىڭ كوپتەگەن باستا­ما­لارىنا قولداۋ ءبىلدىرىپ كەلە جات­قانىن ايتتى. سەمەي پولي­گونىنىڭ جابىلعان 1991 جىلعى 29 تامىزى يادرو­لىق سىناققا قارسى كۇرەس كۇنى بو­لىپ قابىلدانۋى دا پان گي مۋن ەسىمىمەن تىكەلەي بايلانىستى ەكەنى اتالدى. ءوز كەزەگىندە مارتەبەلى مەيمان ءداستۇرى مەن تاريحى تەرەڭدە جاتقان قازاقستانعا, اسىرەسە, سەمەي وڭىرىنە جاساعان ساپارىنان العان مول اسەرىنە ريزاشىلىعىن ءبىلدىردى. بۇل ساپار رەسەي مەن اقش اراسىن­دا­عى ستراتەگيالىق  شابۋىلداۋ قارۋلار­ىن (سشق) جويۋ تۋرالى بۇرىن قول قويىلعان كەلىسىمنىڭ زاڭدى جالعاسى بولىپ تابىلاتىن جاڭا كەلىسىمگە قول قويۋ ءراسىمىنىڭ الدىندا وتۋدە. ونىڭ ۇستىنە, كەلەسى اپتادا نيۋ-يورك قالاسىندا پرەزيدەنت ن.نازارباەۆ قاتىسادى دەپ كۇتىلگەن يادرولىق قارۋسىزدانۋعا بايلانىستى جوعارى دەڭگەيدەگى ۇلكەن سامميت وتپەكشى. بۇۇ باس حاتشىسى قازاقستان مەن ونىڭ باسشىسىنىڭ الەمدى يادرولىق قاۋىپتەن ادا ەتۋ  باستامالارىنا قوس­قان سۇبەلى ۇلەستەرىنە ەرەكشە توقتال­دى. بۇدان كەيىنگى اڭگىمە بۇۇ مەن قازاقستان اراسىنداعى ىنتىماقتاس­تىق­تى ارتتىرۋ جايىندا جالعاسىن تاپتى. اسقار تۇراپباي ۇلى.