سونىڭ ىشىندە "Jas Otan" ايماقتىق فيليالىنىڭ باسشىسى بءىرجان قۇدايبەرگەنوۆكە جامان ىندەتكە قارسى كۇرەستە بەلسەندىلىك كورسەتكەنى ءۇشىن "حالىق العىسى" مەدالى بەرىلدى. ال رەسپۋبليكالىق "Biz Birgemiz" اكتسياسىنىڭ 12 ەرىكتىلەرىنە ەلباسى – تۇڭعىش پرەزيدەنت ن.نازارباەۆتىڭ اتىنان العىس حاتتار بەرىلدى. ولاردىڭ اراسىندا سپورتشىلار, جۋرناليستەر, قوعام وكىلدەرى, بيزنەس قايراتكەرلەرى بار.
ايماقتىق فيليال توراعاسىنىڭ ورىنباسارى جيىنعا قاتىسقانداردى استانا كۇنى مەيرامىمەن قۇتتىقتاپ, ءبىزدىڭ ەلدىڭ بارلىق جەتىستىكتەرى مەن تابىستارى قازىرگى نۇر-سۇلتان قالاسىنان ءوربيتىنىن اتاپ ايتتى. "بۇگىنگى كۇنى قازاقستان استاناسى – نۇر-سۇلتان قالاسى بىرلىك پەن تۇراقتىلىقتىڭ, بەيبىتشىلىك پەن كەلىسىمنىڭ ورتالىعىنا اينالىپ وتىر. ونىڭ بارلىق قالىپتاسۋ جولىندا ەلباسى ن.نازارباەۆتىڭ قولتاڭباسى بار. ءبىز بارلىق نۇرسۇلتاندىقتارعا جانە بارلىق قازاقستان حالقىنا ودان ءارى وركەندەۋ مەن دامۋ تىلەيمىز", دەدى ءوزىنىڭ سوزىندە اسەم راحمەتوۆا.
"حالىق العىسى" مەدالىمەن ماراپاتتالعان ءبىرجان قۇدايبەرگەنوۆ "Biz Birgemiz" اكتسياسىنا قاتىسۋ بارىسىندا اتقارعان قىزمەتتەرى تۋرالى ايتىپ بەردى. ء"بىز مۇحتاج جاندارعا تاماق, قورعانىس قۇرالدارىن عانا جەتكىزگەن جوقپىز, سونىمەن بىرگە ولاردى جىلى سوزىمىزبەن قولداپ, مورالدىق كۇش-قۋات بەرۋگە تىرىستىق. ماعان بەرىلگەن ماراپات جالعىز مەنىڭ ەمەس, بارلىق توبىمىزعا جاسالعان قۇرمەت دەپ بىلەمىن", دەدى ول.
وسى شارادا سولتۇستىكقازاقستاندىق بەس بەلسەندى ازامات "Nur Otan" پارتياسى قاتارىنا ءوتتى. ولاردىڭ اراسىندا جەڭىل اتلەتيكادان حالىقارالىق دارەجەدەگى قازاقستاننىڭ سپورت شەبەرى, ازيا چەمپيونى يرينا ەكتوۆا دا بار.
قىزىلجار
