رەسەي چەمپيوناتىنىڭ 25-تۋر ويىنىنداعى «روستوۆ» – «كراسنودار» اراسىنداعى كەزدەسۋ 1:1 ەسەبىمەن اياقتالىپ, رپل-ءدىڭ رەكوردتار كىتابىنداعى ناتيجەنى جاڭارتتى. ياعني اتالعان ەكى كوماندا اراسىنداعى ماتچ ادەتتەگىدەي 90 مينۋت ەمەس, 111 مينۋت, 15 سەكۋندقا جالعاستى. رەكوردتىڭ جاڭارۋىنا ەكىنشى تايمدا بەلگىلەنگەن پەنالتي سەبەپ بولدى.
ويىننىڭ ءبىرىنشى تايمىندا «كراسنودار» كلۋبى 1:0 ەسەبىمەن الدا بولعان. ال ەكىنشى تايمنىڭ سوڭىندا ماتچ تورەشىسى ۆيتالي مەشكوۆ قوسىمشا التى مينۋت قوسقان ەدى. قوسىمشا ۋاقىت اياقتالار تۇستا قوناقتار ءوز ايىپ الاڭىندا ويىن ەرەجەسىن بۇزعانى ءۇشىن باس تورەشى ءبىرىنشى VاR-عا جۇگىنىپ, «كراسنودار» قاقپاسىنا ون ءبىر مەترلىك ايىپ دوبىن تاعايىندادى. كەيىننەن تاعى دا بەينە قايتالاۋدى قاراپ, العاشقى شەشىمى دۇرىس ەكەنىنە كوز جەتكىزدى. ناتيجەسىندە, كەزدەسۋدىڭ 110-مينۋتىندا يۆەلين پوپوۆ 11 مەترلىك ايىپ دوبىن ءساتتى ورىنداپ, كومانداسىن جەڭىلىستەن قۇتقارىپ قالدى.
ايتا كەتەيىك, «روستوۆ» كلۋبىندا دوپ تەبەتىن جەرلەسىمىز باقتيار زاينۋتدينوۆ بۇل ماتچتا نەگىزگى قۇرامدا شىعىپ, الاڭدا 87 مينۋت ونەر كورسەتتى.
