"جولاۋشىلار تاسىمالى" اق جىلىوي اۋدانىنىڭ باس مەملەكەتتىك سانيتارلىق دارىگەرىنىڭ شەشىمىنە سايكەس كوروناۆيرۋس ينفەكتسياسىنىڭ تارالۋىن بولدىرماۋ ماقساتىندا 2020 جىلدىڭ 2 شىلدەسى ساعات 07-00-دەن 2020 جىلدىڭ 15 شىلدەگە دەيىن قۇلسارى ستانساسىنا كەلەسى جولاۋشىلار پويىزدارىنا بيلەت ساتۋعا, وتىرعىزۋعا/تۇسىرۋگە ۋاقىتشا تىيىم سالىنعانىن حابارلايدى:
- № 37/38 "ماڭعىستاۋ-نۇر-سۇلتان-نۇرلى جول";
- № 309/310 "ماڭعىستاۋ-اقتوبە";
- № 313/314 "اتىراۋ-ماڭعىستاۋ";
- №77/ 78 جانە № 313/314 جولاۋشىلار پويىزدارىنىڭ قۇرامىندا قاتىنايتىن «الماتى-2-قۇلسارى» تىكەلەي قاتىنايتىن ۆاگوندار.
قۇلسارى ستانساسىنان پويىزعا وتىرعىزۋ/تۇسىرۋ جولاۋشىلاردا دارىگەرلىك-كونسۋلتاتيۆتىك كوميسسيانىڭ قورىتىندىسى نەمەسە مەديتسينالىق مەكەمەنىڭ شاقىرۋ حاتى بولعان جاعدايدا عانا رۇقسات ەتىلەدى.
بۇدان بۇرىن قۇلسارى ستانساسىنا دەيىن نەمەسە سول ستانسادان جول ءجۇرۋ قۇجاتىن (بيلەتىن) رەسىمدەگەن جولاۋشىلار جول ءجۇرۋ قۇجاتىن قايتارىپ, جۇرىلمەگەن جولدىڭ ايىرماشىلىعىن الا الادى نەمەسە بيلەت قۇنىن تولىق قايتارىپ الا الادى.
بيلەتتىڭ اقشاسى بيلەتتى قايتارۋ ءتارتىبى مەن ساتىپ الۋ تاسىلىنە بايلانىستى قولما-قول اقشامەن جانە قولما-قول اقشاسىز ەسەپ ايىرىسۋ ارقىلى قايتارىلادى.
كوروناۆيرۋس پاندەمياسىنا بايلانىستى ۇلتتىق تاسىمالداۋشى جولاۋشىلاردان سانيتاريالىق-ەپيدەميولوگيالىق تالاپتاردى ساقتاۋلارىن جانە وزىمەن بىرگە جەكە قورعانىش قۇرالدارىن الىپ جۇرۋلەرىن سۇرايدى", دەلىنگەن حابارلامادا.
