وسىلايشا تەلەارنانىڭ تىكەلەي ەفيرىندە ءار تۋردىڭ بىرنەشە ويىنىن كورسەتۋ جوسپارلانعان. ال تىكەلەي ەفيرگە شىقپاعان كەزدەسۋلەردى live رەجىمىندە qazsporttv.kz سايتىندا جانە Qazaqstan.tv ءموبيلدى قوسىمشاسى ارقىلى كورۋگە بولادى, كەيىن بۇل ويىندار تەلەارنا ەفيرىندە قايتالانادى.
بۇدان بولەك, جانكۇيەرلەر «Qazsport» تەلەارناسىندا چەمپيوناتتىڭ ءار تۋرى اياقتالعاننان كەيىن تىكەلەي ەفيردە قازاقستاندىق فۋتبول تۋرالى ساراپتامالىق توك-شوۋ كورە الادى.
«Qazsport» تەلەارناسىنىڭ ديرەكتورى ناعي باقىتبەكوۆ وتاندىق فۋتبولدى كورسەتۋدىڭ الداعى جوسپارلارىن ايتتى:
– «Qazsport» ارناسىنىڭ تۋعان كۇنى قارساڭىندا OLIMPBET-فۋتبولدان قازاقستان چەمپيوناتىنىڭ بارلىق ويىندارى ءبىزدىڭ تەلەارنانىڭ تىكەلەي ەفيرىندە كورسەتىلەتىنىن حابارلاۋ – ءبىز ءۇشىن قۋانىش. بۇل بىرىنشىدەن, ەلىمىزدەگى كوپتەگەن فۋتبول جانكۇيەرلەرىنىڭ سۇرانىسى, تىلەگى نەگىزىندە قولعا الىنسا, ەكىنشىدەن الەمدىك پاندەميا كەزىندە ستاديوندارعا بارىپ قولداۋ كورسەتە المايتىن بارشا سپورتسۇيەر قاۋىمعا ۇلكەن سىي دەپ بىلەمىز. ەگەر تۋرداعى كەزدەسۋلەر ءبىر ۋاقىتتا ءوتىپ نەمەسە ويىندار كەزىندە تىكەلەي ەفيردە ۇلكەن حالىقارالىق ءىس-شارا كورسەتىلىپ جاتسا, فۋتبول ويىندارىنىڭ كورسەتىلىمى رەسمي ينتەرنەت-سايتتا جۇرگىزىلەتىن بولادى. سونىمەن قاتار ءبىز الداعى تۋردان باستاپ, بارلىق ويىندار اياقتالعاننان كەيىن تىكەلەي ەفيردە فۋتبولسۇيەر قاۋىم نازارىنا ساراپتامالىق باعدارلاما ۇسىنامىز. سپورت جانكۇيەرلەرىن الداعى ۋاقىتتا ساپالى جانە سۇرانىسقا ساي كونتەنتپەن قۋانتامىز دەگەن ويدامىن, – دەيدى ول.
