ايگىلى باسىلىم ايدارىنداعى 30-ورىندى گارري پوتتەردىڭ قىزىقتى وقيعالارىنا قۇرىلعان روماندار سەرياسىن جازعان بريتاندىق اۆتور دجوان روۋلينگ الىپ وتىر. ونىڭ وتكەن جىلعى تابىسى 92 ميلليون دوللاردى قۇراعان. بۇل تاسىعان بايلىقتىڭ ءبارى گارري پوتتەردىڭ ارقاسى دەۋگە سەنۋ قيىن. دەگەنمەن, ول كىتاپ 500 ميلليون دانادان اسىپ جىعىلىپ باسىلىپ شىققانى ەسىمىزدە. ءتىپتى تيراجى جاعىنان بيبليادان دا وزدى. بىراق روۋلينگ سىباعاسىنىڭ ەڭ ۇلكەنى – فرانشيزالار مەن پەسا قويىلىمدارىنىڭ تولەمى بولىپ شىقتى.
تابىستى ءرومانيستىڭ تەاتر ساحناسىندا قويىلعان پەساسى ءبىر اپتادا 2,3 ميلليون دوللار تابىس اكەلگەن. بۇل برودۆەي تاريحىنداعى رەكوردتىق كورسەتكىش. ال گارري پوتتەردىڭ عاجايىپ الەمى تۋرالى ونىنشى فيلم – «فانتاستيكالىق جانۋارلار: گرين-دە-ۆالدتىڭ قىلمىسى» كۇللى الەم بويىنشا 650 ميلليون دوللار قارجى جيناعان.
Forbes-ءتىڭ 28-ورنىندا ەڭ كوپ قالاماقى الاتىن امەريكالىق اۆتور دجەيمس پاتتەرسون 70 ميلليون دوللار كىرىسپەن تۇر. ونىڭ كىتاپتارىنىڭ 5,5 ميلليوننان اسا داناسى ساتىلعان.
كورولدىك ادەبي ۇيىمنىڭ (Royal Society of Literature) زەرتتەۋلەرىنە سۇيەنسەك, ۇلىبريتانيادا 70 پايىزعا جۋىق كاسىبي جازۋشىلار 2018 جىلى 10 مىڭ فۋنت ستەرلينگ تابىس تاپقان.
ال ىرگەمىزدەگى رەسەيدە جوعارىدا اتالعان اۋقىمدى كورسەتكىشتەر قايتالانبايدى. رەسەيدە قازىر ءبىر كىتاپ ورتا ەسەپپەن 4,5 مىڭ تيراجبەن جارىق كورىپ وتىر. تەك تانىمال دەتەكتيۆشى داريا دونتسوۆانىڭ عانا تيراجى جالپى العاندا 200 ميلليون داناعا جەتەدى.
جازۋشىلىققا جاڭا قادام باسقان اۆتوردىڭ قالاماقىسى 25 مىڭ رۋبلدەن اسپايدى. ال الەمدىك ارەناعا شىعىپ جۇرگەن جازۋشىلارعا ميلليون تولەنۋى دە ابدەن مۇمكىن. ماسەلەن, جاڭاعى دونتسوۆانىڭ ءبىر شىعارماسىنىڭ قالاماقىسى 140 مىڭ دوللارعا دەيىن جەتەدى. دەتەكتيۆ جانرىنداعى روماندارمەن تانىلعان الەكساندرا مارينيناعا 100 بەن 150 مىڭ دوللاردىڭ اراسىندا تولەنىپ ءجۇر. بۇدان بولەك بوريس اكۋنين ورتاشا ەسەپپەن 30 مىڭ دوللار, ال تاتيانا ۋستينوۆا 25 مىڭ دوللار كولەمىندە قالاماقى الا الادى.
يسيگۋرو: نوبەلدەن كەيىنگى العاشقى كىتاپ
وسىدان تۋرا ءۇش جىل بۇرىن ادەبيەت سالاسى بويىنشا نوبەل سىيلىعى «روماندارىنداعى الاپات سەزىم قۋاتى الەم مەن ادام اراسىنداعى تىلسىم بايلانىستىڭ تۇڭعيىعىنا جول اشقانى ءۇشىن» تەگى جاپوندىق, بريتانيا جازۋشىسى كادزۋو يسيگۋروعا بەرىلگەن ەدى. جەر جۇزىندەگى ءنومىرى ءبىرىنشى سىيلىقتىڭ لاۋرەاتتارىن سىنشىل قاۋىم جىل سايىن ەجەلگى ءداستۇر بويىنشا قىزۋ تالقىعا سالىپ جاتاتىن. بىراق ءدال سول جىلى يسيگۋرونى ادەبيەتشىلەردىڭ دەنى بۇل مارتەبەگە ابدەن لايىق دەپ سانادى. ال شۆەد اكادەمياسىنىڭ تۇراقتى حاتشىسى سارا دانيۋس: «دجەين وستين مەن فرانتس كافكانى ارالاستىرىپ, وعان ازداپ پرۋستى قوسساڭىز, كادزۋو يسيگۋرو شىعادى» دەپ اۆتوردىڭ وقىرمانعا ءمالىم جازۋ ءتاسىلىن جاريا قىلعان ەدى. مىنە, ەندى سول يسيگۋرونىڭ تۆورچەستۆوسىندا ۇلكەن جاڭالىق بولعالى تۇر.
2021 جىلدىڭ ناۋرىزىندا كادزۋو يسيگۋرونىڭ جاڭا رومانى جارىققا شىقپاق. ايتا كەتەيىك, بۇل اۆتوردىڭ نوبەل سىيلىعىنان كەيىنگى العاشقى كىتابى. «كلارا مەن كۇن» (Klara and the Sun) دەپ اتالاتىن روماندا كلارانىڭ وقيعالارى, «جاساندى دوستىڭ» «ەرەكشە بايقامپاز قابىلەتتەرى» باياندالادى. سۋ جاڭا شىعارمانى باسۋعا دايىنداپ جاتقان Faber باسپاسى: «كلاراعا مۇمكىندىك تۋعان كەزدە ادامداردىڭ بەرگەن ۋادەسىنە كوپ سەنە بەرمەۋ كەرەك ەكەنىن ەسكەرتەدى», دەپ رومان سيۋجەتىنە پىكىر ءبىلدىردى.
Amazon كىتاپ دۇكەنى كەلەر جىلى وقىرمان قولىنا تيەتىن يسيگۋرو رومانىنىڭ قاعاز نۇسقاسى 27,95 دوللاردان ساتىلادى دەپ بولجاپ وتىر.
جۇپار اڭقىعان كىتاپتار
كىتاپتا ءيىس بولا ما؟ ەستىمەگەن ەلدە كوپ. بولادى ەكەن.
MyBook كىتاپ ورتالىعى مەن ءيىسسۋ شىعاراتىن Demeter كومپانياسى كلاسسيكالىق شىعارمالاردىڭ جەلىسىمەن ءيىسسۋلار كوللەكتسياسىن جاساپ شىعاردى. حوش يىستەردىڭ بۇل توبى MyBook Perfumes دەپ اتالىپ وتىر.
اتالعان جوباعا 14 «پارفيۋمەرلىك توم» كىرگەن. ونىڭ جەتەۋى ورىس كلاسسيكاسىنا ارنالسا, قالعان جارتىسى شەتەل ادەبيەتى نەگىزىندە جاسالدى. مۇنداعى ءار ءيىسسۋ ءبىر كىتاپتىڭ كوڭىل كۇيىن بەرەدى. ماسەلەن, «القىزىل جەلكەندەر» (الەكساندر گرين) پوۆەسىنەن تەڭىز بەن سالقىن لەپتىڭ ءيىسى شىعادى. ال «داۋىل» (الەكساندر وستروۆسكي) پەساسىنان جەردىڭ سىزىن سەزىنەسىز. سونداي-اق «اليسا عاجايىپتار ەلىندە» (ليۋيس كەررولل) بىردەن اعىلشىن ءشايىن ەسكە تۇسىرەدى.
ۇيىمداستىرۋشىلاردىڭ سوزىنشە, ءيىسسۋ جاساۋدا ەڭ قيىنعا سوققان شىعارما – لەرمونتوۆتىڭ ء«بىزدىڭ زاماننىڭ قاھارمانى» بولىپتى. «بىزگە, ءبىر جاعى وتە تانىمال ءيىس, ال ءبىر جاعىنان – پەچوريننىڭ حاراكتەرى سياقتى كۇردەلى ءارى قۇبىلمالى ءيىس كەرەك بولدى. ناتيجەسىندە, جۇپار سۋدىڭ حوش ءيىسىنىڭ قانىق كومپوزيتسياسى سەكىلدى وتكىر ءيىس شىعارا الدىق. بۇل پاتشا اسكەرىندەگى وفيتسەر وبرازىنان, سۇلۋلىق پەن قاۋىپتەن, درامالىق وقيعالاردان ءبىر ۇزىك سىر بەرە الاتىنداي», دەدى ولار.
اۆتورلىق يلليۋستراتسيالارى بار كىتاپ ءيىسسۋلارىنىڭ كوللەكتسياسى 27 ماۋسىمعا دەيىن ساتىلماق.
