"قازىر جاڭا ەكى تەلەارنا اشۋ ماسەلەسى قاراستىرىلىپ جاتىر. "اباي تۆ" جانە "ال-فارابي" تەلەارناسى. "اباي تۆ" تەلەارناسى ەرتەڭ - 30 ماۋسىمدا كورەرمەنگە جول تارتادى. ول "قازاقستان" ترك" قۇرامىنا كىرەدى جانە وتاندىق مادەنيەت مۇراسىن ناسيحاتتايتىن ارنا بولادى. وقۋ جىلىنىڭ باسىندا "حابار" اگەنتتىگىنىڭ بازاسىندا 6 جاستان 18 جاسقا دەيىنگى بالالار مەن جاسوسپىرىمدەر اۋديتورياسىنا ارنالعان جاڭا ءبىلىم بەرۋ-اعارتۋشىلىق تەلەۆيزيالىق پلاتفورما بولاتىن ء"ال – فارابي" ارناسى ىسكە قوسىلادى", دەدى مينيستر.
وتاندىق سەريال ءوندىرىسىنىڭ دامۋى تۋرالى ايتا كەلە, ا.بالاەۆا بيىل 42 سەريال ءوندىرىسى جوسپارلانعانىن حابارلادى. كورەرمەندەرگە وتباسى قۇندىلىقتارى, ۆولونتەرلەردىڭ قىزمەتى تۋرالى قىزىقتى جوبالار, پەداگوگتار, دارىگەرلەر, پوليتسەيلەردىڭ ءيميدجىن كوتەرۋگە, سالاۋاتتى ءومىر سالتىن ناسيحاتتاۋعا باعىتتالعان سەريالدار تۇسىرىلەدى.
