ايماقتار • 26 ماۋسىم، 2020

ەلوردادا 1200 جاس جۇمىسپەن قامتىلادى

13 رەت كورسەتىلدى

كارانتين ۋاقىتىندا “جاسىل ەل” جوباسى بويىنشا ەلوردادا 1200 جاس جۇمىسقا ورنالاسادى، - دەپ جازادى Egemen.kz

بيىل نۇر-سۇلتان قالاسىندا “جاسىل ەل” ستۋدەنتتىك قۇرىلىس جانە ەڭبەك جاساقتارىنىڭ 16-شى ەڭبەك ماۋسىمى باستالدى.
2017، 2018، 2019 جىلدارداعى كۆوتاعا سايكەس 975 ادام جۇمىسپەن قامتىلعان. جوبانىڭ جاستار اراسىنداعى سۇرانىسى ەسكەرىلىپ، الداعى 3 جىلعا كۆوتا 1200 ادامعا دەيىن ۇلعايدى.

14-29 جاس ارالىعىنداعى جاستار 3 سانات بويىنشا جۇمىس ىستەيدى: كوپبالالى، الەۋمەتتىك از قامتىلعان وتباسىلارىنان شىققان 14-17 جاس ارالىعىنداعى بالالار، 17-22 جاس ارالىعىنداعى جوو مەن كوللەدجدەر ستۋدەنتتەرى جانە 18-29 جاس ارالىعىنداعى جۇمىسسىز ازاماتتار.

14-17 جاس ارالىعىنداعى جاستار كامەلەتتىك جاسقا تولماعاندىقتان، ەڭبەك كودەكسىنە سايكەس، دەنساۋلىقتارىنا زيان تيگىزبەيتىن، اۋىر ەمەس، كۇنىنە 4 ساعاتتان ارتىق ەمەس جۇمىسقا جۇمىلدىرىلادى. بالالار ەلوردا ساياباقتارىندا، ءوز مەكتەپتەرىنىڭ اۋلاسىن كوگالداندىرۋعا، مەكتەپكە قاراستى ايماقتاردى تازالاۋ جۇمىستارىن اتقارادى.

17-22 جاس ارالىعىنداعى جاستار “استانا زەلەنستروي” كومپانياسىمەن بىرلەسىپ، قالا ساياباقتارىنىڭ كوگالدانۋىنا ۇلەس قوسۋدا.

كامەلەتتەن اسقان جاستار ەڭبەك كەستەسىنە سايكەس كۇنىنە 8 ساعات جۇمىس ىستەيدى. ولار قۇرىلىس نىساندارىنا دا جۇمىلدىرىلعان. وندا مامانداردىڭ كومەكشىلەرى، ءارتۇرلى جۇمىسشى رەتىندە قىزمەت ەتەدى.

جاستار وزدەرى جۇمىس ىستەيتىن مەكەمەدەگى جالاقىسىنا قوسا “جاسىل ەل” جوباسىنان قوسىمشا 35 مىڭ تەڭگە كولەمىندە سىياقى الادى.
ءاربىر جاسپەن كەلىسىمشارت جاسالىپ، وندا كورسەتىلگەندەي قاۋىپسىزدىك تالاپتارى مىندەتتى تۇردە ساقتالادى. جۇمىس 10 ماۋسىم كۇنى باستالدى. ەندى 10 شىلدەگە دەيىن 1000-عا جۋىق جاس جۇمىس ىستەيدى.

كارانتينگە بايلانىستى جۇمىس تالاپتارى ءبىراز وزگەردى. سانيتارلىق نورمالار مەن قاۋىپسىزدىك ساقتاۋ ماقساتىندا جاستاردىڭ ءبىر جەردە شوعىرلانىپ جۇمىس ىستەۋىنە جول بەرىلمەيدى، ولاردىڭ ارا قاشىقتىق ساقتاۋى بەتپەردە مەن قولعاپ كيۋى قاتاڭ قاداعالانادى.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

ۇقساس جاڭالىقتار