دەگەنمەن, بۇگىنگى تاڭدا تاراز قالاسى بويىنشا جۇمىسىن قايتا باستاعان كەيبىر ساۋدا ورىندارى مەن قوعامدىق تاماقتانۋ نىساندارىندا سانيتارلىق تالاپتار تولىق ساقتالماي وتىر. «بىرىنە جان قايعى بولسا, بىرىنە مال قايعى». ياعني تۇرعىنداردىڭ ءبىرى قاۋىپتى دەرتتى جۇقتىرىپ, دەنساۋلىعىمەن الەك بولىپ جۇرسە, ەندى ءبىرى تابىس تابۋدىڭ سوڭىنا ءتۇسىپ, تالاپتاردى ساقتاۋدى ۇمىت قالدىرعان.
سانيتارلىق تالاپتاردى مەيلىنشە ساقتاۋ كەرەكتىگىن ەسكەرتىپ كەلگەن ماماندار ەندى ءتيىستى نىساندارعا ايىپپۇل سالۋعا كىرىستى. كارانتين تالاپتارىنا بايلانىستى كونە شاھاردا رەيد جۇمىستارى جۇرگىزىلىپ, تالاپقا ساي بولماعان بىرقاتار نىساندارعا ارنايى حاتتامالار تولتىرىلدى. بۇل ورايدا تاراز قالاسى اكىمىنىڭ ورىنباسارى اسحات ەسەنعاليەۆ جانە پوليتسيا قىزمەتكەرلەرى, تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ باسقارماسىنىڭ ماماندارى قالاداعى ساۋدا ورىندارى مەن تاماقتانۋ نۇكتەلەرىن ارالادى. ناتيجەسىندە, كوپتەگەن كەمشىلىكتەر انىقتالدى. ءتىپتى شاھار تۇرعىندارىنىڭ ءوزى كوروناۆيرۋسقا جاۋاپسىز قاراپ, ىندەتتىڭ كوبەيۋىنە جول اشىپ وتىر. ءبىر كەشتە عانا جۇرگىزىلگەن رەيد بارىسىندا تاراز قالاسى بويىنشا 8 زاڭبۇزۋشىلىق تىركەلگەن.
«ماسەلەن, رەيد بارىسىندا وبلىس ورتالىعىنداعى «سالەم» ءدامحاناسى قىزمەتكەرلەرىنىڭ مەديتسينالىق قولعاپسىز قىزمەت كورسەتىپ جۇرگەندىگى, كەلۋشىلەردىڭ جاعدايى مەن مەديتسينالىق ماسكالارىنىڭ تەكسەرىلمەيتىندىگى انىقتالدى. جالپى, قالادا سانيتارلىق تالاپتاردىڭ تولىق ورىندالماي وتىرعاندىعىنا كوز جەتكىزدىك», دەيدى قالا اكىمىنىڭ ورىنباسارى.
سونىمەن قاتار «زا لينيەي» ايماعىنداعى ازىق-ت ۇلىك دۇكەندەرى مەن كولىك جۋ ورىندارىندا دا زاڭبۇزۋشىلىقتار ورىن العان. «Loto club» ويىن-ساۋىق مەكەمەسىنىڭ اكىمشىلىگى حاتتامانى راسىمدەۋدەن باس تارتقان. بۇل رەتتە قالا اكىمى ايتقازى قارابالاەۆ كەزەكتى بريفينگ كەزىندە تۇرعىندارعا جانە كاسىپكەرلەرگە ازاماتتاردىڭ ءتارتىبى مەن قاۋىپسىزدىگىن قامتاماسىز ەتۋ قاجەتتىگىنە بايلانىستى شەكتەۋلەرگە تۇسىنىستىكپەن قاراۋدى سۇراعان بولاتىن. سەبەبى كوروناۆيرۋس ىندەتىن جۇقتىرعاندار سانى جامبىل وبلىسىندا 600-گە جەتسە, ونىڭ باسىم بولىگىن تاراز قالاسى قۇراپ وتىر. كۇن ساناپ كوبەيىپ كەلە جاتقان ىندەتتىڭ بەتى قاۋىپتى. سوندىقتان دا ءاربىر جەكەلەگەن تۇرعىنداردان باستاپ, ءتۇرلى نىسانداردىڭ يەلەرى مەن قىزمەتكەرلەرىنىڭ دە سانيتارلىق تالاپتاردى قاتاڭ ساقتاعانى دۇرىس-اق. «اتاپ ايتقاندا, قوعامدىق تاماقتانۋ ورىندارىنا كەلۋشىلەر سانى 50 ادامعا دەيىن بولۋى كەرەك. مۇنداي نىسانداردىڭ جۇمىس ۋاقىتى تۇنگى ساعات 22:00-گە دەيىن شەكتەلگەن. ال جۇمىس ىستەپ جاتقان بيزنەس سۋبەكتىلەرى قاتاڭ تالاپتاردى ساقتاۋى كەرەك», دەيدى ا.ەسەنعاليەۆ.
«اۋرۋ باتپانداپ كىرىپ, مىسقالداپ شىعادى» دەگەن ءسوز بار. ىندەتتىڭ قاۋىپتى ەكەنىن سالا ماماندارى ايتىپ تا, جازىپ تا ءجۇر. سوندىقتان بۇگىنگىدەي جاعدايدا كارانتين تالاپتارىن ساقتاۋدىڭ ماڭىزى زور. بۇل جەردە ءبىرىنشى كەزەكتە تابىس ەمەس, تاعدىر تۇرعانى ابزال. بۇگىندە قالا كوشەلەرىندە ينفەكتسيانىڭ تارالۋىن بولدىرماۋ ماقساتىندا كۇن سايىن جاپپاي دەزينفەكتسيالىق جۇمىستار جۇرگىزىلۋدە. سوڭعى ەكى كۇننىڭ وزىندە ماماندار ارنايى 9 بىرلىك تەحنيكانى پايدالانا وتىرىپ, 2 ملن 175 مىڭ شارشى مەتر جەردى زارارسىزداندىردى. ونىڭ ىشىندە 67 كوشە, ءتۇرلى الەۋمەتتىك نىسانداردىڭ اۋماقتارى, بالالار الاڭدارى, ساياباقتار سياقتى ورىندار بار. بىراق كارانتين تالاپتارىن ساقتاۋدى ءاربىر ادام وزىنەن باستاماسا, جۇمىس ىستەپ تۇرعان نىساندار ادامداردىڭ دەنساۋلىعىنا بەيجاي قارايتىن بولسا, كۇن سايىن جۇرگىزىلىپ جاتقان دەزينفەكتسيانىڭ دا, وبلىس دەڭگەيىندە قابىلدانىپ جاتقان شارالاردىڭ دا پايداسى شامالى.
تاراز
