پرەزيدەنت • 25 ماۋسىم، 2020

پرەزيدەنت بەيبىت جيىندارعا قاتىستى كورشىلەس ەل تاجىريبەسىن مىسال ەتتى

51 رەت كورسەتىلدى

مەملەكەت باسشىسى قاسىم-جومارت توقاەۆ "انا ءتىلى" باسىلىمىنا بەرگەن سۇقباتىندا بەيبىت جيىندارعا قاتىستى وزبەكستان تاجىريبەسىن مىسالعا كەلتىردى، - دەپ حابارلايدى Egemen.kz.

"وزبەكستاننىڭ تاجىريبەسىن مىسالعا كەلتىرۋگە بولادى. ولار وزدەرىنە ءتان جايلى مىنەزىنە سالىپ، ۇرانداتىپ-شۋلاتپاي-اق، قاجەت كەزىندە ورىس تىلىنە دە جۇگىنە وتىرىپ، ءتىل ماسەلەسىن تولىق شەشىپ الدى. مەنىڭ تاڭعالاتىنىم، وزبەكستاننىڭ مەملەكەتتىك ورگاندارىندا ءالى كۇنگە دەيىن ورىس ءتىلى قولدانىلادى. ءتىپتى ولاردىڭ تۇتاس تاريحىندا دا وسىلاي بولعان. وزبەكتەر قوعامدىق قاتىناستاردى ساياسيلاندىرماي، ەڭبەك پەن ساۋداعا باسىمدىق بەرىپ، حح عاسىردىڭ باس كەزىندەگى از عانا حالىقتان قازىر ورتالىق ازياداعى ەڭ ۇلكەن ۇلتقا اينالدى"، - دەلىنگەن پرەزيدەنتتىڭ "انا ءتىلى" گازەتىنە بەرگەن سۇقباتىندا.

سونداي-اق مەملەكەت باسشىسى وزبەكستان ازاماتتارى ۇرانداتىپ شەرۋگە شىققاننان گورى  جاسامپازدىققا جەتەلەيتىن ەڭبەكپەن اينالىسىپ جاتقانىن ءسوز ەتتى.

" ۇلى ابايدىڭ وزبەك حالقىنا قاتىستى ايتقان پاراساتتى وي-پىكىرى قازىرگى تەحنولوگيا عاسىرىندا دا ءوزىنىڭ وزەكتىلىگىن جوعالتپاعانىن بايقايمىز. وزبەكتەر ساياساتقا قۇمار ەمەس، ولار ەڭبەك ەتكەندى قۇپتايدى. بۇل ەل كوشەدە ۇرانداتىپ شەرۋگە شىعىپ جۇرگەن جوق. قايتا جاسامپازدىققا جەتەلەيتىن ەڭبەكپەن اينالىسىپ جاتىر"، - دەدى قاسىم-جومارت توقاەۆ.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار