بۇگىندە وبلىستا كءۇن سايىن كوروناۆيرۋس ينفەكتسياسىن جۇقتىرعان, اۋرۋدىڭ ايقىن بەلگىلەرى بار 30-35 ادام تىركەلەدى. ال اۋرۋ بەلگىلەرى جوق ناۋقاستار سانى ودان دا كوپ. ماۋسىمنىڭ 24-ءى كۇنى 15 ادام وكپەنى جاساندى جەلدەتۋ اپپاراتىنا, 21 ادام وتتەگى اپپاراتقا قوسىلعانى بەلگىلى بولدى.
ء"بىز قوسىمشا اۋرۋحانالار اشقاننىڭ وزىندە كوروناۆيرۋسقا شالدىققان ادام سانى كۇن سايىن ارتىپ, جاڭادان اشىلعان ورىندار تەز تولىپ قالدى. دارىگەرلەر مەن مەدبيكەلەر كۇندەلىكتى اۋرۋمەن كۇرەسىپ, بىرنەشە ايدان بەرى تىنىم تاپپاي ەڭبەك ەتۋدە. بۇل وتە قاۋىپتى اۋرۋ جانە ونىڭ بار ەكەنىنە كوپشىلىكتىڭ كوزى جەتتى. وسى اۋرۋعا شالدىققان تۋىستارىمىز, ارىپتەستەرىمىز بەن دوستارىمىز بار", دەپ جازدى باتىس قازاقستان وبلىسىنىڭ اكىمى عالي ەسقاليەۆ ءوزىنىڭ الەۋمەتتىك جەلىدەگى پاراقشاسىندا.
جەرگىلىكتى بيلىك قاۋىپتى جاعدايعا قاراماستان كەي ازاماتتاردىڭ كوپشىلىك شارالار, توي-تومالاق وتكىزۋىنە الاڭداپ وتىر. مونيتورينگ, ساالناما ناتيجەسىنە قاراعاندا اۋرۋ جۇقتىرۋشىلاردىڭ دەنى وسىنداي شارالاردان سوڭ اۋىرا باستاعان.
ءوڭىر باسشىسى وسىنداي فاكتىلەر بويىنشا ماتەريالدار سوتقا جولدانا باستاعانىن حابارلادى. ماسەلەن, ورال قالاسىندا سانيتارلىق-ەپيدەميولوگيالىق تالاپتاردى ساقتاماعانى ءۇشىن "اياجان" ساۋدا ءۇيىن, "التىن الما" جانە "ميحايل" بازارلارىنىڭ ءىسى سوتقا جولدانعان. سونداي-اق ورال قالالىق سانيتارلىق-ەپيتدەميولوگيالىق ءبولىمى ماماندارى اكىمشىلىك قۇقىقبۇزۋشىلىققا جول بەرگەن 30 ادامنىڭ ۇستىنەن حاتتاما تولتىرعان. وسىلايشا, ورال قالاسىندا ساۋدا جانە قىزمەت كورسەتەتىن 11 نىساننىڭ جۇمىسى ۋاقىتشا توقتاتىلدى.
تۇرعىندارعا ارنالعان تىيىم شارالارىنىڭ كوبى الداعى دەمالىس كۇندەرى كۇشىنە ەنەدى. اتاپ ايتقاندا 27-29 ماۋسىم ارالىعىندا ازاماتتاردىڭ ءجۇرىپ-تۇرۋى شەكتەلەدى. ياعني كوشەدە ادامدار جۇمىس ورنىنان بەرىلگەن انىقتاما نەمەسە قىزمەتتىك كۋالىك نەگىزىندە عانا ءجۇرە الادى. تۇرعىندار ازىق-ت ۇلىك, ءدارى-دارمەكتى جاقىن جەردەگى دۇكەن مەن ءدارىحانادان ساتىپ الا الادى. ءۇي جانۋارلارىن سەرۋەندەتۋگە تەك تۇرعىلىقتى ءۇي ماڭىندا عانا رۇقسات ەتىلەدى. جاسى 65-تەن اسقان ادامداردىڭ اسا قاجەت بولماسا, كوشەگە شىعۋىنا شەكتەۋ قويىلدى. ساۋدا-ويىن-ساۋىق ورتالىقتارى, ساۋدا ورتالىقتارى مەن ۇيلەرى, ازىق-ت ۇلىك جانە ازىق-ت ۇلىك ساتپايتىن بازارلار, وسىنداي ساۋدا جەلىلەرى, قوعامدىق تاماقتانۋ نىساندارى, فيتنەس-ورتالىقتار مەن باسقا دا سپورت نىساندارى, قوعامدىق ورىندار قىزمەتى توقتاتىلادى. سونداي-اق قوعامدىق كولىك جۇرمەيدى.
دەمالىس كۇندەرى مەنشىك نىسانىنا قاراماستان بارلىق ۇيىمدار مەن كاسىپورىندار ساۋدا ورتالىقتارى مەن ۇيلەرىندە, بازارلاردا, قوعامدىق كولىكتەردە, ازىق-ت ۇلىك جانە ازىق-ت ۇلىك ەمەس ونىمدەردىڭ ساۋدا نىساندارىندا, قىزمەت كورسەتۋ سالاسىنداعى نىسانداردا جانە ادامدار كوپ جينالاتىن باسقا دا ورىنداردا اۋقىمدى دەزينفەكتسيالاۋ جۇمىستارىن جۇرگىزەدى.
باتىس قازاقستان
