"اتامەكەن" ۇكپ-دا پرەمەر-ءمينيستردىڭ ورىنباسارى رومان سكلياردىڭ توراعالىعىمەن بەينەكونفەرەنتسيا بايلانىسى رەجيمىندە كاسىپكەرلىك ماسەلەلەرى بويىنشا جوبالىق كەڭسەنىڭ وتىرىسى ءوتتى.
رومان سكليار پرەمەر-مينيستر اسقار ءماميننىڭ تاپسىرماسى بويىنشا ەكونوميكانىڭ زارداپ شەككەن سەكتورلارىنداعى جاعدايدىڭ جەدەل مونيتورينگىن قامتاماسىز ەتۋ ءۇشىن "قاراپايىم زاتتار ەكونوميكاسىن" دامىتۋ جونىندەگى جوبالىق كەڭسەنىڭ مانداتى كەڭەيتىلىپ, بيزنەستىڭ جاي-كۇيىن مونيتورينگىلەۋ ءۇشىن جەدەل شتاب قۇرىلعانىن حابارلادى.
رومان سكلياردىڭ جەتەكشىلىگىمەن جوبالىق كەڭسەنىڭ قۇرامىنا "اتامەكەن" ۇكپ باسقارما توراعاسى ابىلاي مىرزاحمەتوۆ, كاسىپكەرلىك ماسەلەلەرىنە جەتەكشىلىك ەتەتىن اكىمدەردىڭ ورىنباسارلارى, بەيىندى ورتالىق مەملەكەتتىك ورگانداردىڭ وكىلدەرى كىردى.
پرەمەر-ءمينيستردىڭ كاسىپكەرلىك ماسەلەلەرى جونىندەگى كەڭەسشىسى دانا ءجۇنىسوۆا جەدەل شتابتىڭ مىندەتتەرى تۋرالى اقپارات بەردى. ماسەلەن, شتاب وڭىرلەردەگى كاسىپكەرلىك بەلسەندىلىكتىڭ جاي-كۇيىنە جانە كارانتيندىك شارالاردىڭ بيزنەستى جۇرگىزۋ جاعدايلارىنا اسەر ەتۋىنە مونيتورينگ جۇرگىزەدى, نەعۇرلىم زارداپ شەككەن سالالارداعى شوب سۋبەكتىلەرىنىڭ سانى تۋرالى وزەكتى مالىمەتتەردى قالىپتاستىرادى, سونداي-اق كاسىپكەرلىك بەلسەندىلىكتى قالپىنا كەلتىرۋ جانە دامىتۋ, جۇمىسپەن قامتۋدى ساقتاۋ بويىنشا جەدەل جانە جۇيەلى ۇسىنىستار ازىرلەيدى.
بيزنەستىڭ جاي-كۇيى تۋرالى جەدەل دەرەكتەر اپتا سايىن ءۇش كوزدەن قۇرالادى: اكىمدىكتەر, وڭىرلىك كاسىپكەرلەر پالاتاسى جانە تىكەلەي بيزنەستەن. وسىلايشا, بيزنەس ءوزىنىڭ جاعدايى مەن پروبلەمالىق ماسەلەلەردىڭ بار ەكەندىگى تۋرالى تىكەلەي حابارلاي الادى.
كاسىپكەرلەر ءۇشىن ونلاين-ساۋالناما جاسالعان, ونى تولتىرۋ ءۇشىن مىنا سىلتەمە بويىنشا وتۋگە بولادى: https://forms.gle/GSB5Bsf6GSTz3eeW9. جينالعان دەرەكتەر نەگىزىندە جەدەل شتاب كەيىننەن قاجەتتى قولداۋ شارالارىن قابىلداۋ ءۇشىن ۇكىمەتتى حاباردار ەتەتىن بولادى.
ءوز كەزەگىندە ابىلاي مىرزاحمەتوۆ بيزنەس پەن مەملەكەتتىك ورگانداردىڭ ۇيلەسىمدى جانە جەدەل جۇمىسىنىڭ ناتيجەسى پروبلەمالاردى دەر كەزىندە شەشۋگە جانە ولاردى ەرتە كەزەڭدە دياگنوستيكالاۋعا بولاتىنىن اتاپ ءوتتى.
جوبالىق كەڭسەنىڭ وتىرىسىن قورىتىندىلاي كەلە, رومان سكليار شۇعىل شتاب جيىنى اكىمدەردىڭ ورىنباسارلارىنان وڭىرلەردەگى قازىرگى جاعداي تۋرالى اقپارات الىپ, اپتا سايىن جۇرگىزىلەتىنىن حابارلادى. سونداي-اق جەدەل شتاب اپتا سايىن قازاقستان رەسپۋبليكاسى پرەمەر-ءمينيسترىنىڭ جۇرگىزىپ وتىرعان جۇمىسىنىڭ ناتيجەلەرى تۋرالى حاباردار ەتەتىن بولادى.
